Macallimaddii ugu horreysay ee ka hawlgashay Somaliland 1953 IHN Aamina Macallim Qaasim

Intii aan la furin dugsigii hablaha ee magaalada Burco, waxa waxbarasho kooban loo bilaabay hablo loo dhigi jiray farsamada dawaarka, farshaxanka iyo luuqadda Ingiriisida. Waxbarashadaas kooban ee hablaha waxa laga bilaabay magaalada Sheekh gaar ahaan guri ku yaallay xaafadda Shacabka. Hablahaa waxa ka mid ahayd Aamina Macallin Qaasim, oo aabaheed ahaa macallin caan ka ahaa deegaanka soomaalida gaar haan Somaliland. Markii la furay dugsigii hablaha ee Burco waxa macallimad ka noqotay Aamina Macallim Qaasim, waxyar kadib ayaa loo keenay Edna Aadan Ismaaciil iyo Aamina Jaamac Cadhoole.

Si raadraaca, sooyaalka waxbarshada deegaanka Somaliland loo kaydiyo, waa in la qoraa, oo ay gashaa diiwaanka. 

Sida ay Edna Adan ku sheegtay waraysigii ay siisay barnaamijka Xusuus Reeb ee weriye Ducaale. Waxay kaga warrantay ardaydii ugu horreysay ee dugsigaa ku jirtey markii ay macallimadda ka noqotay. Waxay sheegtay inay ahaayeen 26 arday oo hablo ahaa, waxaana ka mid ahaa:

1. Amina-Weris Maxamed Jirde

2. Aamina Adan Yaaxeen

3. Shamis Xudhuun

4. Mako Jaamac

5. Deeqa Colujoog

6. Ruun Maydhalaalis

7. Raaqiya Xaaji Ducaale

8. Saakin Jirde

9. Xaliimo Axmed Yey

Tiradaasi waa inta ay waraysiga ku sheegtay, laakiin waa ilaa 26 arday. Taariikhda la furay dugsigaa waa 1953kii. Waxa xusid mudan, inta badan hablahaas waxay ahaayeen aabbayaashood intii ugu caansanayd dalka xilligaa, ee gaar ahaan ku jiray ganacsiga ama mamulka ku jiray.

FG: Maxaad ka xasuusataa ama aad ka haysaa taariikhdaas waxbarashada hablaha ee Somaliland

-----------------------------------------------------

Raadraac: 

Weriye, Maxamuud Cali Ducaale Barnaamijka Xusuus Reeb ee HCTV

-Rashiid Sh Adan Xasan oo iiga warramay

- Cibaado Xaaji Xasan Khaliif, oo ka mid ahayd hablihii ay isku ardayda ahaayeen Aamina Macallin Qaasim.