Fortsätt till huvudinnehåll

Warsaxaafadeed: W02/UQS/06-2014 (Ururka Qorayaasha Somaliland laanta Iswidhan)


Ururka Qorayaasha Somaliland laanta Iswidhan

Warsaxaafadeed: W02/UQS/06-2014

 
Shalay oo taariikhdu ahayd 0706214, maalin sabti ah, waxa qabsoomay shirweynihii Ururka Qorayaasha Soomaaliland laanta Iswidhan. Shirkan oo ka dhacay, xarunta Ururka ee ku taal xaafadda Telefonplan, ee magaalada Stockholm, waxa uu furmay 10:30 gelinkii hore.
Furitaankii shirka oo uu furay guddoomiyiha ururka Sayid-Axmed Maxamed Yuusuf, waxa uu ku wareejiyey xubnihii ka soo qaybgalay, in la doorto shirguddoon iyo xoghayaha shirka. Sidaa ayaa lagu bilaabay qodobadii u yaallay shirka. Inkastoo go’aamo dhawr ahi ka soo baxeen, balse waxa aanu warsaxaafadeedkan ku soo koobaynaa laba qodob oo muhiim ah in saxaafadda aanu gaadhsiinno.
 

1.      Waxa lagu go’aansaday in guddidii hore ay sii hayso hoggaanka ururka laantiisa Iswidhan. Guddidaas oo kala ah:

Guddoomiye: Sayid-Axmed Maxamed Yuusuf

Guddoomiye xigeen ahna Xoghayaha Ururka: Muuse Maxamuud Ciise (Dalmar)

Xisaabiyaha Ururka: Cabdilaahi Saalax Yuusuf

2.      Shiweynahani waxa uu si buuxda u taageeray go’aankii ka soo baxay Ururka Qorayaasha Somaliland ee xubnihiisu kala joogaan dacallada adduunka. Go’aankaas oo ahaa in Xarunta guud ay noqoto dalka gudihiisa, gaar ahaan Hargeysa/Somaliland. Mar haddii laanta Iswidhan ay ahayd halkii uu ururka ka bilaabmay, waxa ay si mug leh uga doodeen qaab-dhismeedka ururka guud ahaan, gaar ahaanna laanta Iswidhan. Waxaanay isku raaceen in xidhiidhka iyo wadashaqaynta xarunta guud ay ahaato joogto.

Ugu danbayn, waxa uu shirku ku soo gebagaboobay, jawi aad u fiican. Waxaana la isla qaatay go’aamadii shirka ka soo baxay in sida ugu habboon loo hirgeliyo.


 

Guddida Ururka Qorayaasha Somaliland laanta Iswidhan 

Stockholm/ 0806-2014/ Axad





Kommentarer

Skicka en kommentar

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u   wareegay magaalada Berbera, waxaanu ka shaqayn jiray makhaayadaha   cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay   ku beegnayd   xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta. 
Skicka en kommentar
Läs mer

Xog ku saabsan Afgenbegii 1961 Col, Xasan Faarax Bullaale: "Taariikh u baahan sixitaan iyo run ka sheegid"

Taariikhdu waa dhacdo ama arrimo dhacay xilliyo la soo dhaafay. Haddii aan wax laga qorin, lama ogaan karo taariikhdaasi sidii ay u dhacday. Mar haddii aan la kaydin arrimaha taariikheed ee dal iyo dad ba soo mara, waxa ay taariikhdaasi gashaa mugdi waxaanay yeelataa madmada w badan. Sida inbadani ka warqabto Somaliland waxa ka dhacay Afgenbi la isku deyey 1961kii, kaasoo lagu guuldarraysatay Dad badani xog kama hayaan, inkastoo ay noolyihiin xubno ka mid ahaa saraakiishii Afgenbigaa isku deyey. Kalhore waxa la waraystay Amb, Cawil Cali Ducaale oo ka mid ahaa saraakiishaas, xilligaasna ahaa xiddigle. Waxa uu Cawil qoray buug uu kaga hadlay wax farabadan oo uu u soo joogay, waxaana ka mid ahaa Afgenbigaas. Waana buugga la magacbaxay "Raad-Raaca Taariikh Soomaaliyeed"
Skicka en kommentar
Läs mer

Dareenka gaarka ah ee maansada Xasan Xaaji Cabdilaahi Xasan (Ganey)...Caashaqani muxuu gabay, laba guusha wada jecel, god muxuu ku kala riday, laba guur isku ogaa, geerida mid yidhi hoo!!!

Taariikh-nololeedka Xasan Cabdilaahi Xasan (Ganey) Dhulku saacu wada gaadh Waanu kala sed roonyee Meel idaha seel u leh Riyahana salool u leh Oo geela saar u leh...... ... Xasan Xaaji Cabdilaahi Xasan "Ganey" "Anigu waxaan ku dhashay duleedka Degmada Bullaxaar oo ka tirsan Gobolka Saaxil, waxaanan filayaa da’daydu inay tahay ilaa 6o Sano(oo ku beegan meelahaa 1944 kii ), waayo, markii aan dhashay meel miyi ah ayaan ku dhashay laakiin isma yaraynayo in aan wax isku daro mooyee, aniga oo dhawr iyo toban jir ah oo kuray ah ayaan markaa ka imi miyiga Bullaxaar oo waxaan imid magaalada Berbera kadibna waxaan shaqo ka bilaabay Hudheelada sida Hudheelkii Cumar Isteeri, markii dambana waxaan u soo wareegay Hargaysa oo xilligii inqilaabkii Xasan Kayd ay wadeen. Waxaan ka shaqaynayay hudheelka Union-ka, markii la odhan jiray Bakayle Qalad.
Skicka en kommentar
Läs mer