Fortsätt till huvudinnehåll

Waar Ninkoow Shaaha ii Shub Walaal !! W/Q, Mustafe Axmed Diiriye (Sheybe)


Waa duni sirgacane ilayn yaab iyo wareer kama dhammaade. Hadmaa dadnimadii laga tegey?. Hadmaa dhalintii soo kacaysay raad koodii dub u raaceen? Hadmaa kii aqoon-yahanka ahaa iyo kii jaahilka ahaa laba kala garan wayay? Hadmaa naxariistii lagu badashay ku dheel-dheel? Dhibbadanaa dhoohanata dhalintaydu! Dhibanaa Dadayga dhimirka ahi!!
·         




  1.    Qofkii xaakin keenu waalay
  2.    Xiskiisii uu qaaday
  3.    Xaraabe hadaynu ka baadhno
  4.    Aakhiro Waa inoo xisaabee
  5.    inaynu xaq-dhawrno weeye!!!

Amintu waa abaaro 5:00 galabnimo,ee gelinkii danbee Laamin (istiin). Waxaan soo fadhiistay makhayad laga shaaheeyo,oo ku taala magaalada Burco. Waa goob leh barxad weyn oo dhalinta, waayeelka, Cuqaasha cid walababa galabtii ku casariyayso. Waxaan so fadhiistay aniga oo Shaaha u khamradoonaya. Hal cabaara hadaan fadhiyay oo fijaankii  shaaha ahaa aan  dhaadhankiisa dibnaha la raac-raacayo, ayaa waxaa dhagtayda ku soo dhacay dhawaaq, qalbigayga dareen geliyay. Waar ninkaw shaaha ii shub walal!.

Hadaan deymooday aniga oo aan si fiican uga bogan qofka dhawaaqay ,ayaa  hadana dhagtayda waxaa ku soo dhacay dhawaaq labaad oo isna argagax leh.  Kkkk kkkk kkk kkk!! waaba qosol goo-goosa oo ay dhalinyaro,aan tiradooda ku qiyaasay 11 wiil oo si fiican u labisan una eeg dhalinyaro ka soo toosta guryo ladan kaga maadaysanayaan.wiil Dhimirka wax ka qaba! oo aan ku qiyaasay inuu hada uun gu’gii 23 madaxa ka jaray.

Anigoo oo ka naxay kana diir dubaaxshay hadlkii wiilka ay baahidu ka muuqatay,dhimirkana wax ka qabay, ayaa hadana waxaan ka cadhooday oo qalbigayga sidii holac iyo hanfiga u leefay! dheel-dheelka ay dhalinyaradu ku samaynayso, wiilkan dhigooda ah ee Alle uu xiskii ka qaaday!. Intaan is hayn kari wayay ayaan ku idhi “ anigaa kugu yeedhaya ee sug walal”.
Dhalintii haday sidaa iskaga daayaane waxay bilaabeen inay halkaa hadalo kaga soo tuur-tuuran. Iyaga oo ka maadaysanaya, kana badhaya xaraabe iyo waxaan looba fadhiyinba.“waxaan inabadan  qalbiga hoose iska waydiinayay intii aan meesha fadhiyay oo aan ku mashquulay maxaa sidan u gartay dhalinyaradii” “ Miyaanay garanayn in qofkani uu yahay iyaga oo kale, oo uu Alle xiskiisii ka qaaday”.

Wiilkii inta uu Fijankii ka qacsiiyay ayuu ka bul yidhi, balse wuxuu ku sii gunuunacay oo dhagtayda ku soo duushay markuu ag-maraayay dhalintii ku qoslaysay, waar naga taga idinkaba nasii waalayee waxba hana siininee! Waa hadal runa waana wacyiga maanta ka jira dhamaan geyiga soomaaliyeed. Waxaaad arkaysaa dad  Illahay xiskoodii u illaaliyay oo halkay dadka jilicsan ,ee  dhimarka wax ka qaba ugu gargaari laahaayeen, iyagii sii dhibaaya!.

Meel laga xanuusado oo qofka binu aadamka ah uu waayo waxaa ugu xun waa dhimirka. Hadii qofku waxa san,waxa xun,waxa dhibaaya, iyo waxa u wanaagsan kala saari waayo dhibaato ka xumi ma jirto. Balse waxaad ogataa  akhriste inaanu jirin xanuun aan laga Bugsan hadii la helo daryeelkiisa!. Waxaad kale oo aad ogataa qofka dhimirka ah inuusan xanuunkan dhaxal u yeelan balse adiga F  lagugu imtaxaamaayo!
·         
       W/Q/:-Mustafe Ahmed Derie
·         Burao University
·         Faculty of veterinary

·         Email: onkod1990@gmail.com

Kommentarer

Skicka en kommentar

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u   wareegay magaalada Berbera, waxaanu ka shaqayn jiray makhaayadaha   cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay   ku beegnayd   xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta. 
Skicka en kommentar
Läs mer

Xog ku saabsan Afgenbegii 1961 Col, Xasan Faarax Bullaale: "Taariikh u baahan sixitaan iyo run ka sheegid"

Taariikhdu waa dhacdo ama arrimo dhacay xilliyo la soo dhaafay. Haddii aan wax laga qorin, lama ogaan karo taariikhdaasi sidii ay u dhacday. Mar haddii aan la kaydin arrimaha taariikheed ee dal iyo dad ba soo mara, waxa ay taariikhdaasi gashaa mugdi waxaanay yeelataa madmada w badan. Sida inbadani ka warqabto Somaliland waxa ka dhacay Afgenbi la isku deyey 1961kii, kaasoo lagu guuldarraysatay Dad badani xog kama hayaan, inkastoo ay noolyihiin xubno ka mid ahaa saraakiishii Afgenbigaa isku deyey. Kalhore waxa la waraystay Amb, Cawil Cali Ducaale oo ka mid ahaa saraakiishaas, xilligaasna ahaa xiddigle. Waxa uu Cawil qoray buug uu kaga hadlay wax farabadan oo uu u soo joogay, waxaana ka mid ahaa Afgenbigaas. Waana buugga la magacbaxay "Raad-Raaca Taariikh Soomaaliyeed"
Skicka en kommentar
Läs mer

Dareenka gaarka ah ee maansada Xasan Xaaji Cabdilaahi Xasan (Ganey)...Caashaqani muxuu gabay, laba guusha wada jecel, god muxuu ku kala riday, laba guur isku ogaa, geerida mid yidhi hoo!!!

Taariikh-nololeedka Xasan Cabdilaahi Xasan (Ganey) Dhulku saacu wada gaadh Waanu kala sed roonyee Meel idaha seel u leh Riyahana salool u leh Oo geela saar u leh...... ... Xasan Xaaji Cabdilaahi Xasan "Ganey" "Anigu waxaan ku dhashay duleedka Degmada Bullaxaar oo ka tirsan Gobolka Saaxil, waxaanan filayaa da’daydu inay tahay ilaa 6o Sano(oo ku beegan meelahaa 1944 kii ), waayo, markii aan dhashay meel miyi ah ayaan ku dhashay laakiin isma yaraynayo in aan wax isku daro mooyee, aniga oo dhawr iyo toban jir ah oo kuray ah ayaan markaa ka imi miyiga Bullaxaar oo waxaan imid magaalada Berbera kadibna waxaan shaqo ka bilaabay Hudheelada sida Hudheelkii Cumar Isteeri, markii dambana waxaan u soo wareegay Hargaysa oo xilligii inqilaabkii Xasan Kayd ay wadeen. Waxaan ka shaqaynayay hudheelka Union-ka, markii la odhan jiray Bakayle Qalad.
Skicka en kommentar
Läs mer