Jaamac Muuse Jaamac aasaasaha Xarunta Dhaqanka ee Hargeysa iyo Kulanka Reer Stockholm 17 Abril, 2016 maalin axad ah

Inkastoo uu Jaamac Muuse Jaamac u imanayo Sweden hawlo kale oo la xidhiidha afsoomaaliga iyo horumarintiisa, kuna soo soo horrayn doono Jaamacadda Göteborg, ee caasimadda labaad ee Sweden haddana waxa fursad innoo ah Reer Stockholm in aan la kulanno, oo kala sheekaysanno arrimo farabadan, maalinta axadda ee taariikhdu tahay 17 abril, 2016. Ma aha markii ugu horreysay ee Jaamac uu yimaaddo Sweden, waxaase maanta innoo gaar ah in uu si ballaadhan ula kulmi doono bulshada soomaalida ee deggen Stockholm.

Waxqabadka uu Jaamac M Jaamac in muddo ah ku hawlanaa waxa ka mid ah ama aasaas u ah, horumarinta suugaanta, afka, dhaqanka, taariikhda, iyo fanka soomaalida. Waxa uu qoray buugaag fara badan oo uu ku qoray afaf kala duwan sida soomaaliga, ingiriisida iyo talyaaniga. Jaamac, indhawayd waxa uu deggenaa Hargeysa, isagoo ka soo guuray carriga talyaaniga oo uu deggenaa muddo dheer.

Barnaamijka maalintaa iyo kulanka reer Stockholm iyo Jaamac Muuse, isagoo faahfaahsan ayaa la soo gudbin doonaa, laakiin aan ka sii hordhaco. Waxaa maalintaa ka mid ah arrimaha uu innala wadaagi doono buugaagtiisa qiimaha leh qaar ka mid ah, sida kuwa ka hadlaya ciyaaraha ay ka mid tahay Shaxdu. Waxa goobta ku tartami doona Shaxyahanno kii guulaysta, uu maalintaa heli doono hadyad qaali ah. Waa hubaal in inbadan oo bulshada ka mid ahi ay maqleen bandhigga Carwada caalamiga ah ee Hargeysa oo uu ahaa Jaamac ninkii bilaabay, ilaa maantana gacanta ku haya.

Wakhti fiican ayaa maalintaa lala qaadan doonaa Jaamac M Jaamac, oo su'aalo badanna la weydiin doono. Carwada buugaagta ayaa maalintaa ka madhnayn oo goobta waxa aad ka heli doontaa buugaag farabadan oo aad iibsan karto.

Goobtu waa guriga dadweynaha ee xaafadda Rinkeby, saacadduna waa 15:00 maalinta axadda ee taariikhdu tahay 17 abril 2016.

Qabanqaabada hawsha waxa iska kaashan doona Ururka Badda Cas iyo Ururka Qoreyaasha Somaliland laanta Sweden iyo Somaliska Kultur Förening. Wixii faahfaahin intaa dheer kala xidhiidh:

Maxamed Xirsi Guuleed, 072-253 77 20

Sayid-Axmed M Yuusuf, 076 320 89 76

Halkan ka eeg Shaxda iyo qaabciyaaraadkeeda:

http://www.redsea-online.com/shax/ShaxIyoKombiyuuter.pdf

Nabad iyo Caano

Kommentarer

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u wareegay magaalada Berbera, waxaanu ka shaqayn jiray makhaayadaha cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay ku beegnayd xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta.

Läs mer

Xog ku saabsan Afgenbegii 1961 Col, Xasan Faarax Bullaale: "Taariikh u baahan sixitaan iyo run ka sheegid"

Taariikhdu waa dhacdo ama arrimo dhacay xilliyo la soo dhaafay. Haddii aan wax laga qorin, lama ogaan karo taariikhdaasi sidii ay u dhacday. Mar haddii aan la kaydin arrimaha taariikheed ee dal iyo dad ba soo mara, waxa ay taariikhdaasi gashaa mugdi waxaanay yeelataa madmada w badan. Sida inbadani ka warqabto Somaliland waxa ka dhacay Afgenbi la isku deyey 1961kii, kaasoo lagu guuldarraysatay Dad badani xog kama hayaan, inkastoo ay noolyihiin xubno ka mid ahaa saraakiishii Afgenbigaa isku deyey. Kalhore waxa la waraystay Amb, Cawil Cali Ducaale oo ka mid ahaa saraakiishaas, xilligaasna ahaa xiddigle. Waxa uu Cawil qoray buug uu kaga hadlay wax farabadan oo uu u soo joogay, waxaana ka mid ahaa Afgenbigaas. Waana buugga la magacbaxay "Raad-Raaca Taariikh Soomaaliyeed"

Läs mer

Dareenka gaarka ah ee maansada Xasan Xaaji Cabdilaahi Xasan (Ganey)...Caashaqani muxuu gabay, laba guusha wada jecel, god muxuu ku kala riday, laba guur isku ogaa, geerida mid yidhi hoo!!!

Taariikh-nololeedka Xasan Cabdilaahi Xasan (Ganey) Dhulku saacu wada gaadh Waanu kala sed roonyee Meel idaha seel u leh Riyahana salool u leh Oo geela saar u leh...... ... Xasan Xaaji Cabdilaahi Xasan "Ganey" "Anigu waxaan ku dhashay duleedka Degmada Bullaxaar oo ka tirsan Gobolka Saaxil, waxaanan filayaa da’daydu inay tahay ilaa 6o Sano(oo ku beegan meelahaa 1944 kii ), waayo, markii aan dhashay meel miyi ah ayaan ku dhashay laakiin isma yaraynayo in aan wax isku daro mooyee, aniga oo dhawr iyo toban jir ah oo kuray ah ayaan markaa ka imi miyiga Bullaxaar oo waxaan imid magaalada Berbera kadibna waxaan shaqo ka bilaabay Hudheelada sida Hudheelkii Cumar Isteeri, markii dambana waxaan u soo wareegay Hargaysa oo xilligii inqilaabkii Xasan Kayd ay wadeen. Waxaan ka shaqaynayay hudheelka Union-ka, markii la odhan jiray Bakayle Qalad.

Läs mer

Xarunta Dhegey (baadhista, ururinta, kaydinta) taariikhda iyo suugaanta

Leta i den här bloggen