Bishii Abriil 28dii,1967kii ayaa mudane Maxamed Cali (IHUN) diidmo hor leh la soo jeediyey ciidan-qorid laga soo jeediyey dalka
Maraykanka. Waxaa xilligaa socday
dagaalkii Maraykanky ay ku qaadeen dawlada Fiyetnam . Wuxuu Maxamed Cali diidmadaa ku saleeyey in diintiisa Islaamka ogoleyn
inuu kaalmeeyo cadaanka dhibta ku
haya madawga ku nool Ameerika oo dad
kalena dhib u geysta.
Fiyatnaam wixii aad baddeen uunku wada yaabye
Hubka waarriyuun baad aroor wagac ku siiseene
Dayuurado waleecaad qabaa geliyey weesaaqe
Sida dhibic wajiineed wixii gumuc
is-weydaartey
Nin waraystay waa garanayaa wahankii Saygoone
Goortuu wasaashaday dhurwaa waaxyihii ubadka
Isu baxe wishiiriga ci'diyo wiida naaguhuye
Raggaad waranka siiseen anoo weli u ooyaaya
Marna waxaan i deynayn duqii ugu fil weynaaye
Hooheey! geeridii Hoo Shi Miin wiilashay
gudhaye
Alla weger waxaad belo dhigteen waa ka
waasacane
Niksan wayla sahal ceeb haddaad ka
welwelaysaane
Qirta Wootargaytyadu ka badan taydun
weriseene!
Maansadii Watergate, Abwaan Maxamed Xaashi Dhamac “Gaarriye”-IHUN-
“Dhib iimay geysan dadka reer
Fiyetnam aniga” ayuu yidhi mudane Maxamed oo sii xoojinaya diidmadiisa.
Sidaa darteed ayaa bishii Juun 20dii, 1967kii ayaa
Maxamed Cali lagu qaadey inuu
galay danbiga ah ciidan-qrid diid
(draft evasion), waxaana lagu
xukumay shan gu’ oo xadhig ah , $10,000
(Toban kun oo Doolar) oo ganaax iyo in laga xayiro feedh danbe oo uu ciyaaro.
“My
conscience won’t let me go shoot my brother, or some darker people, some poor,
hungry people in the mud, for big powerful America, and shoot them for what?”
Ali said in an interview. “They never called me nigger. They never lynched
me. They didn’t put no dogs on me.”
Arinta halkaa
mareys a oo xadhig loo diyaarinayo ayuu Maxamed Cali codsi u gudbiyey maxkamada rafcaanka . Sidaa
darteed ayaa laga warsugayey maxkamada
rafcaanka oo go’aanka kama danbeysta yeelaneysay. Xadhigii sidaasuu kaga
badbaadey, lana feedhtamey Jerry Quarry
bishii Oktoober 28, 1970. Doorkii saddexaad ayuu Maxamed Cali dhulka ugu tuuray Jerry
Quary. Waxaana lagu qabtey magaalada Atlanta.
Xilligan
waxaa Feedhka aduunka haystay Joe Frazier
oo da’ ahaan ahaa 27 jir, halka uu Maxamed Calina ahaa 29 jir. Wuxuu Joe
Frazier ku soo dhex jiray feedhka
ilaa 1955, kuna guuleystay in lagu
tilmaamo lagama guuleyste. Joe Frazier wuu guuleystay 26 jeer, 23 ka mid ahina
ay ahaayeen dhul dhig, halka uu Maxamed Calina guuleystay 31, ayna 25 ka mid ahaayeen dhul dhig.Labaduba may laheyn
guuldaro xilligaa. Sidoo kale ayaa Maxamed Calina ahaa lagama guuleyste. Hase
yeeshee gudida Feedhka ayaa ku
ladhey hormoodka aduunka inuu yahay Joe
Frazier.
Bishii Maarso
8, 1971 ayuu Maxamed Cali u baxey
Joe Frazier, kuna guuldareystay
doorkii 15aad. Waxaa lagu
tilmaamay loolankii qarniga (The fight
of the century).Labaduba may arga
guuldaro hore.Tani waxay noqotay guuldaradii
ugu horeysay ee waligii soo gaadhey, aadna wuu u qoomameeyey , una
diyaar garoobey siduu libintaa us oo ceshan lahaa. Isla gu’gaa 1971, bishii
Juun 28 ayey maxkamadii rafcaaku laashey
xukunkii, taageertaynay go’aankii Maxamed
Cali.
March 31, 1973 wuxuu Maxamed Cali la galey tartarka
Ken Norton oo guuldaro hor lihi ka
raacdey. Maxamed Cali wuxuu halkaa kala tagey daan jaban iyo guuldaro
aanu beegsaneyn. Bishii Janaayo 24,1974 ayey Maxamed Cali iyo Joe Frazier ku kulmeen loolankii labaad. Doorkii 12aad ayaa Maxamed Cali
lagu caleemo guushii tartanka.
Sidoo kale ayaa
bishii Oktoober isla gu’gaa 1974
uu Maxamed Cali kula loollamey George Forman magaalada Minshasa ee dalka Za’iir, halkaana
guushii ku raacdey doorkii 8aad.
Joe Frazier ayaa
guuldaradii u timid ka ladi waayey codsadeyna inuu mar saddexaad la kulmo,
Maxamed Cali oo kalsoonidiisu xad-dhaad aheyd ayaan hadalba ka oo celin.
Kulankii saddexaad ee Maxamed Cali iyo
Joe Frazier kula kulmay magaalda Manila ee cariga Filibiin bishii Oktoober 1, 1975.Maxaed Cali ayaana halkaa gushii ku
raacdey.
Bishii Febraayo 15, 1978 ayuu Maxamed Cali guuldaro kala kulmay loolan uu la galey Leon
Spinks. Guuldaradu nimay dhibaysay ayuu
ahaa, ee bishii Sebtember isla gu’gaa
1978 ayuu
Bishi Juun 1979
ayuu Maxamed cali soo badnhigay inuu ka fadhiistay fadhiistay
tartanka feedka , lana hoyday guul aan
cidi hortii gaadhin.Wuxuu noqday hormoodka addunka saddex jeer , ilaa
iminkana lama gaadhin
Bishii
Oktoober 1980 ayuu Maxamed Cali dib ugu soo noqday tatankii Feedhka. Xilligan wuxuu ahaa 39
jir, dhaawacyo badan buu qabey,
muddo ayuu hawlgab ahaa. Hase yeeshee
kuwii ku xeernaa oo shaqo la’aan ku dhacdey
kuna dhiiri galiyey inuu mar
afraad noqdo hormoodka aduunka ayaa hawlgabnimadiisii ka soo kicisay.
Waxaa
markan hormood ahaan taagnaa Larry Holmes
oo saaxiib ku dhaw ahaa Maxamed
Cali, kuna kacaamey tartanada Maxamed
Cali. Da’ahaan aad buu uga yaraa oo uu ahaa 31 jir, jidh ahaana wuu ka dhisnaa. Guushii
waxay dorkii 11 raacdey
Larry, halka uu Maxamed Cali la hoyday guuldaro aanu filayn. Maxamed Cali
xilligan wuxuu qaadaney dawooyin , oo ku keenay inuu dhuubto, lumiyo
tamar, daal badan., sidaa darteed ayaa
doorkii 10 oo la dareemayey inuu talaxgab ahaa la joojiyey tartankii, guushiina la siiyey Larry
Holmes. Makii tartankii dhamaadey ee la wareystay Lary ayuu yidhi isagoo ilmo ka da’ayso:
“ Aad ayaan u tixgeliyaa Mr. Cali , Maanta waxaan dagaalamey tartankii ugu xumee, yaan kartidiisa la mooganaan”……
Guuldaradaasi
markay ku imid, ayaa Maxamed Cali sidii
caadada u aheyd uu qaadan kari waayey.
Wuxuu isku dayey inuu dib ugu noqdo loolanka, hase yeeshee dhamaan gobolada Maraykanka ayaa ogolaanshihii (licence box)
siin waayey, kuna sababeeyey
caafimaadkiisa oo sii xumaaneyey,
tamartiisa oo sii itaal
drnaneysay. Has eyeeshee ugu danbeyntii markii uu hadhi waayey ayaa gobolka South Carolina siiyey bishii oogosto 1981.
Laba dhakhtar oo uu ka mid yahay
dhakhtarkiisii gaaarka ahaa ee Ferdie Pacheco
ayaa soo jeediyey in uu
xanuunkiisii sii kordhay, maskaxda
saameyn ku sameeyey, hadalkiisii wuu
cuslaadey, marmarka qaarkoodna waxaabu ku keenayaa gaangi inuu yeesho.
Si kastaba ha noqotee meel lacagi ku jirto reer galbeedka waa u doogee , kuwii
dabada ka riixayey inuu dagaalmao eegayeyna lacagta laga qabanayo tartanka uu Maxamed Cali ku jiro ayaa
guuleystay.Sidaa darteed ayuu bishii Diisamber isla gu’gaa 1981 uu la
dagaalamey Trevor Berbick, haleelayna guuldaro
kale .
Daal badan ,
adinada jidhkiisa oo gariir badan ku yimid,iyo
hadalkii oo gaangi hageysay ayaa
tartankaa ka dib laga
dareemay Maxamed Cali. Gu’gii 1984 ayaa lagu sheegay
Maxamed Cali inuu hayo
cudurka Perkins (Parkinson's syndrome),, Maxamed Cali si kama danbeys ayuu hawlgabnio uga galey
feedhkii, isagoo la tagey 55 guulood iyo
5 guuldarao. Shanta feedhyahan ee ka
badiyey waa Joe Frazier, Ken Norton, Leon Spinks , Larry Holmes and Trevor Berbick.
Isagoo la hadlayey
wargeyska New-York Times ayuu ku yidhi: “
Xanuun ma qabo, raagid yar oo ku timid hadalka mooyee iyo gariir xubneed yar, maaha dhib weyn.Hadduu
caafimaadkeygu fiicnaan lahaa oon guuleysan lahaa labadii tartan ee ugu
danbeeyey dadku way iga abqan lahaayeen, iminka way ii naxayaan, waxay I
haysteen inaan bani’aadan ka sareeyo, iminkase
waxay odhanayaan waa bani’aadan sidayada oo kale ah, oo dhib baa
haysata”……
Isku kalsooni
dheeraada oo uu isku qabey dartii ayuu
ilaa manta kula tagey magaca
ah GOAT(Greatest of all Time), afceliska
u dhawna ku noqonaysa hormoodkii xilli
kasta. Afkiisaa laga maqley inuu yahay
hormoodka (greatest) , dadkuna
way u garteen ilaa kuwa ka badiyey iyo kuwuu ka badiyeyba
waxay qirayaan inuu yahay hormoodka dunida ee feedhka…. Maxamed Cali feedhka oo
kaliya muu aheyn hormood ee dhinacyo
badna oo nolosha ayuu saameyn hormoodnimo ku lahaa.
Taariikhda
maxaa u galay:
Anigana hadhaw iyo faallo
Halistaa inaan ka afeeftay
Oo weliba hiif iga gaadhay,
HAGAR-LAAWE ii geli buugga
Taariikhda aan wax hilmaamin.
Maansadi Hagarlaawe- Abwaan Maxamed Xaashi
Dhamac “Gaarriye”-IHUN-
Qof kasta oo dunida ku
nool waxa mudnaanta inuu siiiyo ay tahay
labada maalmood eek ala aha maalintuu
dhashay iyo maalintii uu gartey wixii uu u dhashay. Maxamed Cali waxaa lagu tilmaami karaa inuu gartey inuu u dhashay iuu dunidan isbadal ku
sameeyo; inuu dunidan wax ka badalo
dhibta cadaalada darada ka haysata; inuu dunidana hiil u noqdo taagdaranaha lagu tumanayo; inuu dunidan ugu adeego Illaahii abuuray; Inuu nolosha dan
yaraha wax ka badalo; inuu
gabood-falaha garansiiyo
gardarada uu dunida ka fulinayo; inuu u adeegsado
codkiisa muriyeysan u hiilinta.
Waxaa
garaadka ummada dunida marna ka baxeyn siduu u hibeeyey
guushiisii reer Fiyetnam markuu diiday
inuu dagaal kala hortago.Waxaan maanka aadamaha ka baxeyn siduu u diiday inuu dhaleeceeyo mabda’a
dimeed ee uu qaatey (Islaamka). Waxaan marna
dunidu hilmaameyn siduu ugu
heelanaa u gargaarida dulmanaha… Waxaa
laga baranayaa inaan iska nooloww aduunkana lo iman ee ujeedo ka danbeyso… Tagisitiisii
Lebanon gu’gii 1985 markii dagaaladu ka
taagnaayee, tagistiisii Ciraaq gu’gii 1990
si uu u sii daayo maxaabiistii Maraykanka ee halkaa lagu haystay,
Qaadistii dab-qaadka ee ciyaartii Olympic gu’gii 1996, . Wuxuu jiray 22 gu’ markii uu badaley
magaciisa dunidana u sheegay inuu ka
tagayo magacayagii gumaysiga qaateyna magaca Maxamed Cali, waa lala
yaabey, wuuse ku adkeystay hirgaliyeyna
inuumagacaasi noqdo magaca logu yeedho….
Ilaahay cibaadadiisa waxa aak mid aha dhamaan
falalkaa geesinimo ee uu Maxamed Cali la
yimid.. Ilaahay buu raali galiyey, dunidoo dhana isagay tixgalisay…….Ilaahay godkii aakhiro ha
u nuuro, cadaabu qabrigana ha ka nabad galiyo.. idinkuna aamiinta ha ka
hakraninaaaaa…..
Geeridii
iyo Aaskii:
Arbacadii bisha May ku beegnayd 30, ee
gu’ga 2016 ayaa lo qaadey dhakhtarka Phoenix-area hospital . Waxaa
haystay neefta oo ku adkeyd.Laba habeen ayuu halkaa ku qaadanayey daaweyn la
xidhiidha dhibta ka haysata neefsashada.Habeenkii Jimcaha ee bisha Juun ku beegnayd 3, isla gu’ga 2016 ayuu Maxamed
Cali ku geeriyooday isla
dhakhtarkaa. Waxaan hor fadhiyey maqalka
iyi muuqaal sidaha, waxaa soo booday amr kaliya war degdeg ah iyo sheegista geeridii Maxamed Cali Kilay.
Dhamaan barnaamijyadii ka socday
warbaahinta aka duwan ee maqal,
qoraal, goobaha ulshadu ku kulanto, iwm ayaa mar kaliya isku badaley inay faaleeyaan
halyeyga dunida ka tagey. Geesi buu ahaa , hormoodka ilaa manta laysla
garansan yahay buu ahaa iwm ayaa dhamaan
isku raaacsanaayeen.
Jimcihii kaa ku xigay ee ku beegnaa bishaa Juun 10, isla gu’gaa ayaa
lagu aasey magaaladii uu ku dhashay ee Louisville ee gobolka
Kentucky. Dhamaan warbaahinta aduunka waxaa toos looga daawanayey aaskii , Aayado Quraan ah ayaa lagu bilaabey,
lana macneeyey. Wuxuu kulmiyey bulsho
dhan diintay doonaan ha ka soo jeedaanee, dareenkay rabaan ha wataanee, waxay
dhamaan ku hadaaqeen halyeygii dhimay,
meel uu awdi jiray ayaa banaanaatey…
Wuxuu ifka kaga tagey sagaal caruur
ah(laba wiil iyo todoba hablood) iyo waxay sii dhaleen . Caruurtiisu waxay kala yihiin Layla, Rashiida, Asaad Amiin, Hana, Maryan, Jamiilah, Khaliyah, Muxammed
yare, iyo Miya .. Sidoo kale ayaa waxaa
u dhaxey afar dumar oo kala ah:
1-Sonji Roi
(1964-1968),
2-Belinda Boyd
(1967-1976) una dhashay Rashiida, Maryan, Jamiilaha, Muhammed Yare, waxaaney la baxdey markii danbe magaca Khalillah Cali
3-Belinda Boyd(1977-1986) una dhashey Layla iyo Hana
4- Lonnie Ali
(1986-2016) una dhashay Assad-Amiin
“I never thought of the possibility of
failing, only of the fame and glory I was going to get when I won," Ali
wrote. "I could see it. I could almost feel it. When I proclaimed that I
was the greatest of all time, I believed in myself, and I still do."
Qalinkii iyo diyaarintii:
Fu,aad Sheekh
Bahda Mareegta Farshaxan
Juun 11, 2016
Tixraac:
Kommentarer
Skicka en kommentar