Fortsätt till huvudinnehåll

Faallo kooban oo ku saabsan Buugga "Dariiqii Loo Maray Dib-u-heshiisiinta iyo Dawladnimada Somaliland". W/Q, Sayid-Axmed Dhegey


Buugga magaciisu kor ku xusanyahay, waxa qoray Jamaal Jaamac Jiir, waa buuggii iigu horreeyey ee aan arko ee soo koobaya shirarkii muhiimka ahaa ee nabadaynta salka ku hayey ee beelaha reer Somaliland ay qabsadeen. Gaar ahaan shirarkii ugu waaweynaa sida kii Berbera, Burco, Boorama iyo Gar-adag. Waxa kaloo uu buuggi soo koobayaa xukuumadihii dalka soo maray, laga soo bilaabo xukuumaddii Cabdiraxmaan Axmed Cali iyo wasiiradii uu magacaabay oo ka koobnaa 17 wasiir.






Waa buug aan odhan karo waa diiwaan loo baahnaa. Waa buug aan aad ugu hambalyeynayo qoraagga wakhtigiisa u huray ee soo ururiyey taariikhdaas muhiimka oo u baahan in la kaydiyo, si wax looga baran karo. Soomaalidu waxay tidhaahdaa " Nin habari dhashay hal maseegi waayo" maahmaahda halka looga danleeyahay ayuunbaan u jeedaaye, waxbadan oo aan jeclaa in qaab faahfaahsan loo qoro ayaa ku jira. 

Laakiin taasi waa uun qofka waxqabtay bay soomaalidu jeceshahay inuu wax walba dhammaystiro, taasina suurtagal maaha. Maanta haddii Jamaal intan soo ururiyey, waa in qoraa kale sii faahfaahiyaa, mid kalena wixii qaldaad jiray ka saaraa.
Tusaale: Shirkii Berbera waxa ku qoran inuu qabsoomay 27-01-1991. Haddii aanay ilduuf ka ahayn, dadbadan oo masuuliyiin dalka ka ah ayaa akhriyey buuggan oo wax ka yidhi. Dhammaantood miyey ilduufeen taariikhdaa qaldan! Dagaalkii la magacbaxay ( DUUFAAN 1) ayaa Berbera ka socday dhammaadkii bishii Jeeniweri 1991kii waxaan qiyaasayaa in gacanta lagu dhigay Berbera 29-01-1991, shirka Berbera waxa uu dhacau waa bishii Feberweri ugu horreyn. 

Codsi: Haddii hore looga faallooday buuggan la magacbaxay Dariiqii Loo Maray Dibu-heshiisiinta Iyo Dawladnimada Somaliland, ii soo gudbi ama ii tilmaan si aanan faallo hore oo qaladkaas timaamaysa aniguna halkii uun u marin. Haddii uu jiro qof buuggaas akhriyey oo qaladkaas arkay ila soo socodsii. Haddii qaladka noocan ahi uu galo buugaagta, waa taariikh qaldantay, oo buugagta danbena raadraaci doonto. Waa in degdeg loo saxaa.
Ugu danbayn hanbalyo ayaan u dirayaa qoraaga buugga,

Kommentarer

Skicka en kommentar

Populära inlägg i den här bloggen

Dareenka gaarka ah ee maansada Xasan Xaaji Cabdilaahi Xasan (Ganey)...Caashaqani muxuu gabay, laba guusha wada jecel, god muxuu ku kala riday, laba guur isku ogaa, geerida mid yidhi hoo!!!

Taariikh-nololeedka Xasan Cabdilaahi Xasan (Ganey) Dhulku saacu wada gaadh Waanu kala sed roonyee Meel idaha seel u leh Riyahana salool u leh Oo geela saar u leh...... ... Xasan Xaaji Cabdilaahi Xasan "Ganey" "Anigu waxaan ku dhashay duleedka Degmada Bullaxaar oo ka tirsan Gobolka Saaxil, waxaanan filayaa da’daydu inay tahay ilaa 6o Sano(oo ku beegan meelahaa 1944 kii ), waayo, markii aan dhashay meel miyi ah ayaan ku dhashay laakiin isma yaraynayo in aan wax isku daro mooyee, aniga oo dhawr iyo toban jir ah oo kuray ah ayaan markaa ka imi miyiga Bullaxaar oo waxaan imid magaalada Berbera kadibna waxaan shaqo ka bilaabay Hudheelada sida Hudheelkii Cumar Isteeri, markii dambana waxaan u soo wareegay Hargaysa oo xilligii inqilaabkii Xasan Kayd ay wadeen. Waxaan ka shaqaynayay hudheelka Union-ka, markii la odhan jiray Bakayle Qalad.
Skicka en kommentar
Läs mer

Falan-qaynta maansada: Quruxda maansada Cabdi Adan (Qays) iyo Maxamed Ibraahin (Hadraawi) Q-3aad

Qaybtan oo ah qaybta ugu danbaysa ee "Falan-qaynta Maansada Hadraawi iyo Cabdi-Qays", waxa aan ku eegi doonaa dhawr maanso oo kookooban. Waxa aan sidii qormooyinkii hore, wax ka taaban doonaa kala duwanaanshaha maansada Hadraawi iyo Cabdi-Qays ee hadana labaduba yihiin kuwo la jecelyahay.
Skicka en kommentar
Läs mer

Gorfayn: Buugga Taariikhda Soomaalida (2020) ee uu qoray Jaamac M. Qaalib

AFEEF Maahmaah baa ahayd; "hadalkaaga hortii afeef baa la dhigtaa aqalkaaga hortiisana ood weyn baa la dhigtaa". Ujeeddada qoraalkayga ku saabsan dibu-eegista buugga "Taariikhda Soomaalida ee uu qoray Jenaraal, Jaamac Maxamed Qaalib, waxa ugu mudan in aynu helno taariikh sugan oo sax ah. Taariikh aan kolba dhan loola guurin, taariikh aan ku salaysnayn cadho iyo wax iska caabbin. Dhaxalka ummadi ka tagtaa waa taariikhdeeda, dhaqan-dhaqaale, siyaasadeed oo ay jiilasha danbe u aayaan. Si ay u ogaadaan wixii qalad dhacay iyo in aan dib loogu dhicin. Waxa jira wax u gaar ah buslsho kasta oo Ilaahay ku abuurray deegaan ka mid ah Adduunka. Soomaalidu waxay ka mid tahay bulshooyinka ku nool Geeska Afrika, iyagoo weli ku jira habdhaqankii geeljiraha ayaa la doonay in Qarannimo la samaysto. 
En kommentar
Läs mer