Ogeysiis: Maalinta suugaanta iyo dhaqanka soomaalida ee magaalada Malmö 30/11/2013, Sabti.

Marka ay taariikhdu tahay 30-11/2013 oo ah maalin Sabti ah, waxa ka dhici doona magaalada Malmö. Kulan-suugaaneed ay soo qaban-qaabiyeen Rugaha buugaagta ee magaalada Malmö.

Malmö oo ah magaalada saddexaad ee ugu weyn, dalka Iswidhan, waxa ku nool oo deggen dad aad u tiro badan oo soomaali ah. Sidaa awgeed baa Maktabadaha magaaladu diyaariyeen maalin u gaar ah soomaalida. Hawsha isku dubbaridka iyo agaasinkeedana waxa xoogga saaray oo ka midha-dhaliyey Cabdirasaaq Cismaan Shukri, oo ka mid ah saraakiisha ka shaqaysa Rugaha buugaagta ee Malmö.

Barnaamij-kaa ballaadhan waxa lagu martiqaaday qorayaal, ka iman doona Stockholm. Xubnaha lagu martigeliyey kulan-suugaaneedkaa waxa ay kala yihiin. Qoraa, Macallin Yuusuf Xaaji Cabdilaahi Xasan. Abwaan, Qoraa Maxamed Xirsi Guuleed, Maansayahan da'yar ahna qoraa, Muuse Maxamuud Ciise (Dalmar) iyo Qoraa, Sayid-Axmed M. Yuusuf (Dhegey). Dhamman xubanahani waxa ay la wadaagi doonaan mid kastaaba buugga uu maalintaa u soo xulay.

Waxa kaloo maalintaa ay ka jeedin doonaan afar mawduuc oo kala ah:

1. Dhibaatada qoraaga soomaaliyeed uu la kulmo.............Maxamed Xirsi Guuleed.

2. Sooyaalkii farsoomaaliga............................................Sayid-Axmed M. Yuusuf (Dhegey).

3. Dhibaatada lagala kulmo, ardayda soomaalida deggen Iswidhan....Yuusuf Cabdilaahi Xasan.

4. Qoris la'aanta buugaagta carruurta ee ku qoran afsoomaaliga......Muuse M. Ciise (Dalmar).

Waxa lagu soo gebagabayn doonaa doodwadaag. Waxa furnaan doona su'aalaha oo marka mawduuc laga baxoba la heli doono fursado lagu weydiiyo su'aalo martida kulanka. Waxa aan ka madhnayn barnaamij u gaar ah carruurta, oo si gaar ah loogu talo galay. Afqabsi iyo shaah iyo bun baa laguu diyaariyey. Maalintaas waxa loogu talo galay in ay noqoto maalin taariikhda ku suntanaata. Haddii Ilaahay yidhaa.

Faahfaahin dheeraad ah kala xidhiidh Cabdirisaaq Cismaan Shugri, oo telkiisu ku qoranyahay korka. Ka soo qaybgalkaaguna waa muhiim.

Kommentarer

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u wareegay magaalada Berbera, waxaanu ka shaqayn jiray makhaayadaha cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay ku beegnayd xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta.

Läs mer

Dareenka gaarka ah ee maansada Xasan Xaaji Cabdilaahi Xasan (Ganey)...Caashaqani muxuu gabay, laba guusha wada jecel, god muxuu ku kala riday, laba guur isku ogaa, geerida mid yidhi hoo!!!

Taariikh-nololeedka Xasan Cabdilaahi Xasan (Ganey) Dhulku saacu wada gaadh Waanu kala sed roonyee Meel idaha seel u leh Riyahana salool u leh Oo geela saar u leh...... ... Xasan Xaaji Cabdilaahi Xasan "Ganey" "Anigu waxaan ku dhashay duleedka Degmada Bullaxaar oo ka tirsan Gobolka Saaxil, waxaanan filayaa da’daydu inay tahay ilaa 6o Sano(oo ku beegan meelahaa 1944 kii ), waayo, markii aan dhashay meel miyi ah ayaan ku dhashay laakiin isma yaraynayo in aan wax isku daro mooyee, aniga oo dhawr iyo toban jir ah oo kuray ah ayaan markaa ka imi miyiga Bullaxaar oo waxaan imid magaalada Berbera kadibna waxaan shaqo ka bilaabay Hudheelada sida Hudheelkii Cumar Isteeri, markii dambana waxaan u soo wareegay Hargaysa oo xilligii inqilaabkii Xasan Kayd ay wadeen. Waxaan ka shaqaynayay hudheelka Union-ka, markii la odhan jiray Bakayle Qalad.

Läs mer

Xog ku saabsan Afgenbegii 1961 Col, Xasan Faarax Bullaale: "Taariikh u baahan sixitaan iyo run ka sheegid"

Taariikhdu waa dhacdo ama arrimo dhacay xilliyo la soo dhaafay. Haddii aan wax laga qorin, lama ogaan karo taariikhdaasi sidii ay u dhacday. Mar haddii aan la kaydin arrimaha taariikheed ee dal iyo dad ba soo mara, waxa ay taariikhdaasi gashaa mugdi waxaanay yeelataa madmada w badan. Sida inbadani ka warqabto Somaliland waxa ka dhacay Afgenbi la isku deyey 1961kii, kaasoo lagu guuldarraysatay Dad badani xog kama hayaan, inkastoo ay noolyihiin xubno ka mid ahaa saraakiishii Afgenbigaa isku deyey. Kalhore waxa la waraystay Amb, Cawil Cali Ducaale oo ka mid ahaa saraakiishaas, xilligaasna ahaa xiddigle. Waxa uu Cawil qoray buug uu kaga hadlay wax farabadan oo uu u soo joogay, waxaana ka mid ahaa Afgenbigaas. Waana buugga la magacbaxay "Raad-Raaca Taariikh Soomaaliyeed"

Läs mer

Xarunta Dhegey (baadhista, ururinta, kaydinta) taariikhda iyo suugaanta

Leta i den här bloggen