Fortsätt till huvudinnehåll

Hambalyo ku socota guddida cusub ee Ururka Qoraaga Somaliland

Maalintii ugu danbaysay ee sannadkii 2013, maalinimadii salaasada, habeenkii arbacadu soo gelaysay 31-12-2013 ayaa lagu dhawaaqay guddidii ugu horreysay ee ka hawlgasha Somaliland. Ururka Qoraaga Somaliland oo toban jirsaday, waxa la aasaasay 2003-dii. Magaalada Stockholm baa lagu dhisay UQS. Xubna aad u kooban baa isla gartay oo isla meel dhigay in baahidaasi jirto. Muddo yar ka daib, waxa ku soo biiray qorayaal badan, oo kala jooga dacallada adduunka.


Muddooyinkii ugu danbeeyey, waxa aad xoogga loo saaray sidii lugo loogu taagi lahaa, dalka gudihiisa oo baahida dhabta ahi taallo. dhallinyaro aad u fara badanina, u baahanyihiin isku xidhka, kala warqaadashada, iskaashiga iyo arrimaha la xidhiidha qoraalka iyo akhriska.. Kulankii ballaadhnaa ee ku qabsoomay, Imperial Hotel, ee magaalada Hargeysa ayaa lagaga dhawaaqay saddex xunood oo hoggaamin doona Ururka Qoraaga Somaliland, laanta Somaliland, oo dhawaan aanu filayno in iyadu ay noqoto, xarunta ururka. Ilaa dhismihii ururka waxa ahayd xarun ururka Stockholm. Guddoomiyhii ugu horreeyey ee Ururku yeesho waxa uu ahaa Cabdiraxmaan Xaashi Cabdi, oo deggen magaalada Uppsala/Iswidhan. Gu'gii 2009 kana waxa aniga oo ahaa Guddoomiye xigeenkii Ururka, aan noqday guddoomiyihii UQS. 

Waxa aanu dareensannahay, haddaanu nahay xubnihii aasaasay Ururka, in aan laga maarmi karin, sinaba looga maarmi karin gudaha dalka. Baahida ugu weynina ay halkaa taallo. Dhallinyaro iyo waayeel qorayaal ah ayaa dalka jooga, iyagaa wax badan ka qaban kara, dareenka dhabta ah ee uu magaca ururku xanbaarsanyahay. Looma aasaasin ururku inuu ahaado mid magac u yaal ah, ee waa in himilooyinkiisu hirgalaan oo lagu soo hirtaa.

Anigoo ku hadlaya magacayga, ka guddoomiyaha UQS/Iswidhan, ka guddida, waxa aan hambalyo iyo bogaadin hawada u marinayaa xubnaha guddida loo doortay oo kala ah: Axmed Ibraahin Cawaale/Guddoomiye, Khaalid Jaamac Qodax Guddoomiye xigeen iyo Xogahaya guud, Saddaam Xuseen Carab. Ilaahay ha idiin fududeeyo hawshaas qiimaha leh. Aamiin


Axmed I Cawaale, guddoomiye
--------------------------------------------------------------------------------------------




Khaalid J Qodax, guddoomiye xigeen







--------------------------------------------------------------------------------------------

Saddaam Xuseen Carab, xogahayaha guud.

----------------------------------------------------------------------------------------------------



Nabad iyo caano
Sayid-Axmed Maxamed Yuusuf (Dhegey)
Guddoomiyaha UQS/Iswidhan
03-01-2014

Kommentarer

Skicka en kommentar

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u   wareegay magaalada Berbera, waxaanu ka shaqayn jiray makhaayadaha   cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay   ku beegnayd   xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta. 
Skicka en kommentar
Läs mer

Xog ku saabsan Afgenbegii 1961 Col, Xasan Faarax Bullaale: "Taariikh u baahan sixitaan iyo run ka sheegid"

Taariikhdu waa dhacdo ama arrimo dhacay xilliyo la soo dhaafay. Haddii aan wax laga qorin, lama ogaan karo taariikhdaasi sidii ay u dhacday. Mar haddii aan la kaydin arrimaha taariikheed ee dal iyo dad ba soo mara, waxa ay taariikhdaasi gashaa mugdi waxaanay yeelataa madmada w badan. Sida inbadani ka warqabto Somaliland waxa ka dhacay Afgenbi la isku deyey 1961kii, kaasoo lagu guuldarraysatay Dad badani xog kama hayaan, inkastoo ay noolyihiin xubno ka mid ahaa saraakiishii Afgenbigaa isku deyey. Kalhore waxa la waraystay Amb, Cawil Cali Ducaale oo ka mid ahaa saraakiishaas, xilligaasna ahaa xiddigle. Waxa uu Cawil qoray buug uu kaga hadlay wax farabadan oo uu u soo joogay, waxaana ka mid ahaa Afgenbigaas. Waana buugga la magacbaxay "Raad-Raaca Taariikh Soomaaliyeed"
Skicka en kommentar
Läs mer

Dareenka gaarka ah ee maansada Xasan Xaaji Cabdilaahi Xasan (Ganey)...Caashaqani muxuu gabay, laba guusha wada jecel, god muxuu ku kala riday, laba guur isku ogaa, geerida mid yidhi hoo!!!

Taariikh-nololeedka Xasan Cabdilaahi Xasan (Ganey) Dhulku saacu wada gaadh Waanu kala sed roonyee Meel idaha seel u leh Riyahana salool u leh Oo geela saar u leh...... ... Xasan Xaaji Cabdilaahi Xasan "Ganey" "Anigu waxaan ku dhashay duleedka Degmada Bullaxaar oo ka tirsan Gobolka Saaxil, waxaanan filayaa da’daydu inay tahay ilaa 6o Sano(oo ku beegan meelahaa 1944 kii ), waayo, markii aan dhashay meel miyi ah ayaan ku dhashay laakiin isma yaraynayo in aan wax isku daro mooyee, aniga oo dhawr iyo toban jir ah oo kuray ah ayaan markaa ka imi miyiga Bullaxaar oo waxaan imid magaalada Berbera kadibna waxaan shaqo ka bilaabay Hudheelada sida Hudheelkii Cumar Isteeri, markii dambana waxaan u soo wareegay Hargaysa oo xilligii inqilaabkii Xasan Kayd ay wadeen. Waxaan ka shaqaynayay hudheelka Union-ka, markii la odhan jiray Bakayle Qalad.
Skicka en kommentar
Läs mer