Fortsätt till huvudinnehåll

Warbixin kooban: Tababarka Dafcaddii 1aad ee qoraal/akhriska

Waxa ay ahayd uun horraantii toddobaadkan kolkii Ururka Qoreyaasha Somaliland, Xaruntiisa Hargeysi baahisay tababar ay u qabanayaan dhallinyarada, oo ku saabsan sheeko/buug qorista. Tirada codsadayaasha oo kor u dhaaftay afartan qof, ayaa dufcaddii u horraysay oo labaatan arday ka kooban maanta (2/27/2013) lagu tababaray magaalada Hargeysa. Halka dufcadda labaadna dhawaan loo qaban doono tababar kan la mid ah.



Tababarka oo dulucdiisu ahayd qoridda habboon ee afka, shuruudaha buug qorista iyo buugga, dhisidda sheekada iyo tilmaamo guud oo la xidhiidha qoraalka ayaa in ka badan labaatan qof ka soo qaybgaleen. Ugu horrayn guddoomiya Ururka Qoreyaasha Somaliland Mud. Axmed Ibraahin Cawaale ayaa furay tababarka kuna soo dhaweeyay xubnaha goobta iyo tababarkaba.



Isbarasho guud kadib ayey toos u bilaabmeen casharradii tababarka oo u qaybsamaa saddex qaybood 1) Jaangoonynta, tifatirka, sumadaynta iyo habaynta guud ee buugaagta oo uu jeediyey Khaalid Jaamac Qodax. 2) Dhisidda sheeko faneedda iyo shuruudaha looga baahanyahay oo uu jeediyey Saddaam Xuseen Carab 3) Qoridda habboon ee afka, higgaadda, kala hormarinta iyo talooyin guud oo uu  Axmed Ibraahin Cawaale bixiyey. Waxa kale oo goobta ku sugnaa Axmed Cabdillaahi Cawaale iyo Siciid Maxamuud Gahayr oo ka mid ah xubnaha ururka.

Ku dhawaad kala badh dhallinyarada ka soo xaadirtay kulanku waxay ay sheegeen in ay gacanta ku hayaan buugaag, kuwo bilow ah, kuwo tifitirkii ku jira iyo kuwo daabicidi u hadhsantahay. Dhallinyarada oo dareen celin ka bixinayey cashar walba ayaa muujinayey xiisaha iyo farxadda ay u tahay in ay tababar caynkan ah ka soo qaybgalaan. Kuwaas oo markii kulanku xidhmayna mahadnaq u jeediyey Ururka kana codsaday in ay sii wadaan tababarrada noocan oo kale ah.

Gebogebadii waxa kulanka soo xidhay guddoomiye Axmed I. Cawaale oo u mahadnaqay dhallinyarada ka soo qaybgashay kuna dhiirriyey in ay qayb ka noqdaan dadaallada horumarinta afka.

Ugu dambayn inta dibadda looga baxay hoolkii ayaa kadinka xafiiska tababarku ka dhacayey ee Candle light lagu wada galay sawir wadareedyo dabadeed saacadda oo labadii ku dhow la kala qado tagay.



Diyaariye: Xoghayaha guud ee Ururka Qorayaasha Somaliland
Saddaam Xuseen Carab

Ururka Qorayaasha Somaliland
Hargeysa, Somaliland

Kommentarer

Skicka en kommentar

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u   wareegay magaalada Berbera, waxaanu ka shaqayn jiray makhaayadaha   cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay   ku beegnayd   xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta. 
Skicka en kommentar
Läs mer

Maalinta afka iyo Suugaanta Soomaalida ee Xaafadda Rinkeby 14-05-2016 Sabtida

Haddii aad xiisayso afka iyo suugaanta Soomaalida, fadlan nagala soo qaybgal barnaamij xiiso badan oo 14 bishan Mey lagu qaban doono guriga ummadda ee xaafadda Rinkeby. Barnaamijkan ayaa ay marti noogu yihiin qorayaal, afaqoon iyo cilmibaadhayaal ku hawlan afka iyo suugaanta Soomaalida. Martida maalintan nagala soo qaybgali doonta waxa ka mid ah Morgan Nillsson oo ah macallin afka Soomaaliga ka dhiga jaamacadda Göteborg, ahna cilmibaadhe ku hawlan taariikhda iyo habdhismeedka afka Soomaaliga. Kulankan waxa uu Morgan sharaxaad ka bixin doonaa kooraska afka Soomaaliga ee uu jaamacadda Göteborg ka dhigo. Waxa uu sidoo kale ka hadli doonaa afka Soomaaliga iyo duruufaha ku xeeran maata.
25 kommentarer
Läs mer

Faallo!..."ladh" Buug Cusub Oo Uu Qoray Cabdillahi C Cige

Sayid Maxamed Yusuf "Dhegey — Sweden — 7 September, 2005 Markaad aragto buugga laftigiisa, ayaad garanaysaa in buuggani uu ka duwanyahay buugaagtii hore ee afsoomaaliga ku soo bixijirtay. Qaabka buuggu u qoranyahay waa qaabka loo qaabeeyo sheekooyinka "Novel-ka" loo yaqaan. Waxaad dareemaysaa in dadka soomaalidu ku tallaabsadeen, jidkii muddo dheer kasoo xidhnaa. Kaasoo ah qoritaanka sheekooyinka, ku qotoma qaababka nolosha banii'aadamka. Intaa haddaan ku dhaafo qaabka buugga. Waxaan xasuustay faallo uu ka bixiyay Ibraahin Yusuf Axmed "Hawd" buuggan la magac baxay "Ladh. Mudane Hawd wuxuu ku soo gunaanaday maqaalkiisii "qoraaga buuggan qoray, haddii buuggani yahay kiisii ugu horreeyey oo maxay noqon doonaan kuwa soo socdana."
Skicka en kommentar
Läs mer