Fortsätt till huvudinnehåll

Xusuus hore iyo jiiftadii "Gobonimooy maxaad tahay?"


FG: Jiiftadani waxa ay soo baxday taariikhda hoosta ku xusan. Waase iga xusuus iyo wax is dabadhigga maansada qalin ku rimmiska ah ee beryahan xoogga badan, ee itaalka yar. Kaftan aan turxaan lahayn. Dooddan waxa sannadkii 2007da bilaabay Jamac Muuse Jaamac, oo carriga talyaaniga deggen, waxa uu xilligaa gacanta ku hayey buuggii "Gobonimo Bilaash maaha". Dooddanina waxa ay ka dhalatay buuggaa iyo Jaamac oo diiradda saaray erayga gobonimo iyo macnihiisa. 


Barinaye, ma barideen.!!

Galabta oo bishu tahay 25/04/2007 ayaan jiftadan gole-ka fuulay. Waxaan arkay maansooyin aad u quruxbadan oo Abwaan Jama M Jama iyo Ismaaciil Cawad isdhaafsadeen. Waa maanso la magacbaxday "Gobonimo". Waxaana bilaabay Jama oo deggen dalka Talyaaniga. Anigoo fahamsan ujeedada hore ee maansada, ayaan doonay in aan doodda yara kordhiyo. Markaan arkay halqabsiga uu Jama ku halqabsaday abwaanno badan, ayaan qaatay jiiftadan kooban ee la magacbaxday "Gobanimooy maxaad yahay" ama macnahaa?

Waxayna leedahay (Gobonimooy Maxaad Tahay?)

Xilligaa is gurayoo
Gelbinaaya kii hore
Gu'gayguna sidaasuu
Gabawgii ku siqayaa

Waxaan uga gol leeyahay.
Waaya-arag gabooboo
Gu'yaal iyo gu'yaal
Garta jilibka aasoo
Bulshadeenna giiggaa!
Garanaaya baan ahay.

Ina-Gurey godkiisii (Jamac M Jama)
God wanaagsan weeyaan
Loo guuxay weeyaan
Lagu guuray weeyaan!

Geesigii gadoodaye
Galka seefta kala baxay
Geeska bari Suldaankii  (Ismacil Cawad)
Gantaalada ka soo riday.
Isna inaan gartiisii
Ka garaabay baan furay.

Waxse aanan garanoo
Garaadkayga maaloo
Igu soo gurguurtoo
Ii soo gabbadayoo
Aan goconayaa jira

Macnihiisa guud-iyo
Haddii erayga garashada
Ninba gees ka joogsado
Oon idhaa guddoonshoow
Gobonimooy maxaad tahay?

Ma giriifin maansada
Nin kastoo garaad fogi
Dulucdayda wuu garan!
Afartaa gar ii xidhan

Hoos aan u sii galo
Jiiftada godkeedii
Ma haleelay garabkii
Geeskii birta ahaa.

Gulufkiyo colaadaha
Haddii beel gadoodsani
Ku geeraarto beel kale
Geeridu xaqweeyee,
Garabkii kaleetana
Gobanimay u dirirtaa

Su'aal guuna weeyee
Gobanimooy maxaad tahay?
Shaxdu ii gammuuran
Inta aanan garanayn
Gobonimo waxay tahay?

Ha la saafo gobonimo
Ha la raadsho godkeeda
Ha la doono galkeeda

----------------------------------------------------
Sayid-Axmed M. Yuusuf
Sweden

Kommentarer

Skicka en kommentar

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u   wareegay magaalada Berbera, waxaanu ka shaqayn jiray makhaayadaha   cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay   ku beegnayd   xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta. 
Skicka en kommentar
Läs mer

Maalinta afka iyo Suugaanta Soomaalida ee Xaafadda Rinkeby 14-05-2016 Sabtida

Haddii aad xiisayso afka iyo suugaanta Soomaalida, fadlan nagala soo qaybgal barnaamij xiiso badan oo 14 bishan Mey lagu qaban doono guriga ummadda ee xaafadda Rinkeby. Barnaamijkan ayaa ay marti noogu yihiin qorayaal, afaqoon iyo cilmibaadhayaal ku hawlan afka iyo suugaanta Soomaalida. Martida maalintan nagala soo qaybgali doonta waxa ka mid ah Morgan Nillsson oo ah macallin afka Soomaaliga ka dhiga jaamacadda Göteborg, ahna cilmibaadhe ku hawlan taariikhda iyo habdhismeedka afka Soomaaliga. Kulankan waxa uu Morgan sharaxaad ka bixin doonaa kooraska afka Soomaaliga ee uu jaamacadda Göteborg ka dhigo. Waxa uu sidoo kale ka hadli doonaa afka Soomaaliga iyo duruufaha ku xeeran maata.
25 kommentarer
Läs mer

Faallo!..."ladh" Buug Cusub Oo Uu Qoray Cabdillahi C Cige

Sayid Maxamed Yusuf "Dhegey — Sweden — 7 September, 2005 Markaad aragto buugga laftigiisa, ayaad garanaysaa in buuggani uu ka duwanyahay buugaagtii hore ee afsoomaaliga ku soo bixijirtay. Qaabka buuggu u qoranyahay waa qaabka loo qaabeeyo sheekooyinka "Novel-ka" loo yaqaan. Waxaad dareemaysaa in dadka soomaalidu ku tallaabsadeen, jidkii muddo dheer kasoo xidhnaa. Kaasoo ah qoritaanka sheekooyinka, ku qotoma qaababka nolosha banii'aadamka. Intaa haddaan ku dhaafo qaabka buugga. Waxaan xasuustay faallo uu ka bixiyay Ibraahin Yusuf Axmed "Hawd" buuggan la magac baxay "Ladh. Mudane Hawd wuxuu ku soo gunaanaday maqaalkiisii "qoraaga buuggan qoray, haddii buuggani yahay kiisii ugu horreeyey oo maxay noqon doonaan kuwa soo socdana."
Skicka en kommentar
Läs mer