Fortsätt till huvudinnehåll

Ogeysiis: Debbaaldegga maalinta qaranimada Somaliland ee 18-05/2014, Maalinta Axadda iyo Stockholm


Jaaliyadda Somaliland ee Stockholm iyo Ururka Qorayaasha Somaliland ee Iswidhan, waxa ay ku ogeysiinayaan ka soo qayb-galka, debbaaldegga maalinta Qaranimada Somaliland ee 18 Mey oo qabsoomi doon-ta, maalinta Axadda ee taariikhdu tahay 18-05-2014, saacadduna tahay 15:00 (Saddexda galabnimo).

Maalintaa waxa aad la kulmi doontaa, barnaamij ballaadhan oo isugu jira su'aalo lagu tartami doono. Waxa aad daawan doontaa, masraxiyad uu kuu soo diyaariyey Ururka Qoraaga Somaliland. Qudbado aad u kooban, ayaa maalintaa goobta laga jeedin doonaa, gaar ahaan saddexda xisbi Qaran oo hambalyada maalintaas ka qayb qaadan doona. Sooyaalkii Somaliland ayaan ka madhnayn in wax laga yidhaahdo maalintaas.Carwo buugaagta ah ayaa goobta lagu soo bandhigi doonaa. 

Waxa si gaar ah loogu diyaariyey carruurta yaryar, weydiimo la xidhiidha maalinta Qaranimada dalkeenna. Carruurta ku guulaysata tartankaas, waxa la siin doonaa abaalgud ay ku farxaan. Waa maalin aad u qiimo badan, ee ha ka maqnaan. Gaar ahaan carruurta iyo waalidka oo si gaar ah maalintaa loogu talo galay in ay ka qayb qaataan debbaaldegga maalinta Qaranimada Somaliland.

Goobta: Rinkeby (Folkets hus)
Goorta: 15:00 (Saddexda galabnimo)
Maalinta: Axadda 18-05-2014

--------------------------------------------------------
Jaaliyadda Somaliland ee Stockholm
Ururka Qorayaasha Somaliland ee Iswidhan
21-04-2014/Stockholm

Faahfaahin dheeraad ah kala xidhiidh: 

Gacanlibaax2001@yahoo.se 
somalilandforening.stockholm@hotmail.com 


Kommentarer

Skicka en kommentar

Populära inlägg i den här bloggen

Waa kuma abwaan Xasan Xaaji Cabdillaahi ( Xasan-Ganey)? Qormo kooban oo ka hadlaysa suugaanta abwaan Xasan Xaaji Cabdillaahi ( Xasan-Ganey)

Abwaan Xasan Xaaji Cabdillaahi ( Xasan-Ganey), waxa uu ku dhashay duleedka degmada Bullaxaar ee gobolka Saaxil. Isaga oo kuray ah ayuu u   wareegay magaalada Berbera, waxaanu ka shaqayn jiray makhaayadaha   cuntada. Isaga oo ka hawlgalay makhaayaddii Cumar Isteeri. Muddo kadib waxa uu u wareegay magaalada Hargeysa, xilligaasi oo uu sheegay abwaanku in ay   ku beegnayd   xilligii ay inqilaabka wadeen Xasan-Kayd iyo raggiisii. Abwaanku, intii uu Hargeysa joogay, waxa uu ka shaqayn jiray hudheelkii loo yiqiinay Yuuniyanka ( Union). Mar danbe ayuu abwaanku ganacsi ka bilaabi goobtii loo yiqiinay Xerodhafta. 
Skicka en kommentar
Läs mer

Gorfayn: Buugga Taariikhda Soomaalida (2020) ee uu qoray Jaamac M. Qaalib

AFEEF Maahmaah baa ahayd; "hadalkaaga hortii afeef baa la dhigtaa aqalkaaga hortiisana ood weyn baa la dhigtaa". Ujeeddada qoraalkayga ku saabsan dibu-eegista buugga "Taariikhda Soomaalida ee uu qoray Jenaraal, Jaamac Maxamed Qaalib, waxa ugu mudan in aynu helno taariikh sugan oo sax ah. Taariikh aan kolba dhan loola guurin, taariikh aan ku salaysnayn cadho iyo wax iska caabbin. Dhaxalka ummadi ka tagtaa waa taariikhdeeda, dhaqan-dhaqaale, siyaasadeed oo ay jiilasha danbe u aayaan. Si ay u ogaadaan wixii qalad dhacay iyo in aan dib loogu dhicin. Waxa jira wax u gaar ah buslsho kasta oo Ilaahay ku abuurray deegaan ka mid ah Adduunka. Soomaalidu waxay ka mid tahay bulshooyinka ku nool Geeska Afrika, iyagoo weli ku jira habdhaqankii geeljiraha ayaa la doonay in Qarannimo la samaysto. 
En kommentar
Läs mer

Maalinta afka iyo Suugaanta Soomaalida ee Xaafadda Rinkeby 14-05-2016 Sabtida

Haddii aad xiisayso afka iyo suugaanta Soomaalida, fadlan nagala soo qaybgal barnaamij xiiso badan oo 14 bishan Mey lagu qaban doono guriga ummadda ee xaafadda Rinkeby. Barnaamijkan ayaa ay marti noogu yihiin qorayaal, afaqoon iyo cilmibaadhayaal ku hawlan afka iyo suugaanta Soomaalida. Martida maalintan nagala soo qaybgali doonta waxa ka mid ah Morgan Nillsson oo ah macallin afka Soomaaliga ka dhiga jaamacadda Göteborg, ahna cilmibaadhe ku hawlan taariikhda iyo habdhismeedka afka Soomaaliga. Kulankan waxa uu Morgan sharaxaad ka bixin doonaa kooraska afka Soomaaliga ee uu jaamacadda Göteborg ka dhigo. Waxa uu sidoo kale ka hadli doonaa afka Soomaaliga iyo duruufaha ku xeeran maata.
25 kommentarer
Läs mer