Kulankii Ururka Qoraaga Somaliland iyo Naadiyada Akhriska Somaliland 14-08-2013/ Hargeysa

Ururka Qoraaga Somaliland oo Bandhig u sameeyay Dhalinyarada Somalialand ee ku hawlan Qoraalka Buugaagta. Ururka Qoraaga Somaliland ee Fadhigiisu yahay Wadanka Dalka Sweden ayaa Habeenkii Xalay ahaa Kulan ay si wada jira ah u soo qabanqaabiyeen iyaga iyo Naadiyada Akhristayaasha Dalku ku qabtay Hotel Imperial ee Magaalada Hargeisa. 

    Xafladdan oo ahayd mid si heersare ah loo soo agaasimay isla markaana ay Goobjoog ka ahaayeen Madaxda Ururka Qoraaga Somaliland qaar ka mid ah. Martisharafyo badan oo kala duwan Abwaan Maxamed Ibraahim Warsame Hadraawi, Abwaan Axmed Aw-geedi,Qoraa Khaalid Jaamac Qodax, Madaxda Naadiyada Akhristyaasha Dalka, Ardayda Jaamacadaha dalka eek ala Duwan, Dhalinyarada Bandhiggan lagu Maamuusay oo isugu jiray Wiilal iyo Gabdho,Qoraa aad u da’yaraa oo Buuggiisa Goobta ku soo bandhigay, Xafaldan ahayd Markii koowaad ee lagu talaabsado in dhiiri gelin loo sameeyo Dhalinta niyadooda ay ku jirto inay wax qoraan isla markaa Shacbiga ay la wadaagaan Dareenka Buugtooda iyo Kaalinta ay ka qaadan karaan Horumarinta Dalka.

  Ugu horayn waxa Madasha Furay Mukhtaar Sh. Maxamuud, oo ku hadlayay Magaca Gudida Qabanqaabada Xafaladda ugana mahadnaqay Ururka Qoraaga Somaliland Xafladdan qiimaha leh ee ay wada Fuliyeen Naadiyada,Qoraa Khaalid Jaamac Qodax oo ku hadlayay Magaca Naadiyada Akhristayaasha ahna qoraa ka tirsan Ururka Qoraaga Somaliland, sidoo kale ah aasaasayaashii Naadiga Akhristayaash Hargaysa, ee bar bilawga u ahaa Naadiyada ayaa Muujiyay Dareenkiisa farxadeed ee madashan oo uu ku arkayo. Riyadii ay bilaabeen oo rumawday mar hadii Dhalintii wax qoraysay sidan loo maamuusayo, Madalo noocan oo kalena ay kula kulmayaan Qorayaashii iyo Abwaanadii Haldoorka ahaa.

   Qoraa Axmed Awgeedi oo ku hadlayay Magaca ururka Qoraaga Somaliland ayaa ka waramay in Xafaldan ay iyaga qiimo gaara u leedahay ayna ugu talo galeen in la ogaado Tayada Dhalinyarada Mustaqbalka dhaw dalka u soo kacaysa si kor loogu sii qaado tayadooda, isla markaana La ogaado Goobaha ay wax ka qoraan ma dhinac kaliya ayaa mise Goobo kala duwan ayay wax ka qorayaan, Abwaan Aw geedi waxa uu balan qaaday in aanu kulankani noqon doonin kii koowaad ee uu noqon doono Kulamo Joogto ah oo ay ururka qoraaga Somaliland ka fulin doonaan Caasimadda Dalka.

   

Qoraa Maxamad Xirsi Guuleed oo ka mid ah Madaxda Ururka qoraaga Somaliland ee ku sugan Dalka Sweden oo kulanka Soo qabanqaabiyey ayaa Goobta ku soo bandhigay Buugaagta qiimaha leh ee uu umada u qoray, oo ka kooban 9Buug oo uu qoray iyo 6 uu soo Tarjumay, waxa uu talooyin dhinacyo badan iyo dardaaran u soo jeediyay Dhalinta raadbaradka ku ah Akhriska iyo qoraalka.

  Ugu Dambayntii Sagaalka qore ee da’yarta ahaa ayaa Shaqooyinkoodii ku soo bandhigay Goobta kana sheekeeyay caqabadihii iyo dhibaatooyinkii ay la soo mareen Curinta Buugta.

Qoraa Cabdibashiir ayaa isna goobta Buugtiisii ku gudoonsiiyay Tartan dhinaca su’aalaha ah oo la qabtay Kooxihii ku guulaystay.

Diyaarintii, Mahdi Sheekh

Xubin ka mid ah Naadiyada Akhriska Somaliland

Hargeysa/Somaliland