Maxaabiistii Jeelka Mandheera iyo Saamayntii uu ku yeeshay dagaalkii 1988-kii. W/Q, Cabdirasaaq Ibraahin Kooshin

Bilawgii dagaalkii 1988kii waxa uu saamayn weyn ku yeeshay meel kasta. Jeelashii dalka, ayaa ka mid ahaa meelihii uu saamaynta weyn ku yeeshay, gaar ahaan jeelka weyn, ee Mandheera. Qoraaladan soo socda waxa aynu faahfaahin buuxda ka helidoonaa, sida uu innoogu soo gudbiyey Cabdirisaaq Sh. Ibraahin oo xilligaa ku xukunnaa

dil. Balse marka hore, Cabdirisaaq oo ka warramaya markii uu xukunku ku dhacay iyo ku dhawaaqistii, raggii kale ee maalintaa la wada xukumay, oo taariikhdu ahayd, 03- 10- 1984, waxa uu yidhi:

---------------------------------------------------------------------

“Haddii aanu wax yar uun fadhinay maxkamadda, ayaa waxaa soo galay

gudoomiyihii maxkamadda badbaadada dalka---waa Maxamuud Geele

Yuusuf iyo labadiisii ku xigeen. Waanu istaagnay dhamaantayo, 

haddaanu nahay eedaysanayaashii iyo hadday noqoto dadkii u yimid dhagaysiga

xukun-kayaga iyo hadday noqoto toddoba qareen oo na difaacayayba,

markii Geele iyo saaxiibadii ay fadhiisteena waanu fadhiisanay.

- Geele: ”Maxkamaddu way furantahay waxaanan idiin sheegayaa in maxkamaddu

haddii cid ay xukunto aan la ooyi karin, haddii cid ay sii daysana aan la mashxaradi

karin. Haddii Geele uu intaa hordhac uga dhigay xukunkiisii,wuxuu hadana

raaciyey: ”fadhigii ay maxkamadda badbaadadu yeelatay bishii Sibtamber sagaal

iyo labaatankeedii waxay dil toogasho ah ku xukuntay eedaysanayaasha kala ah:

1. Cabdirisaaq Sheekh Ibraamim Kooshin - dil toogasho ah

2. Yuusuf Maxamed Ciise - dil toogasho ah

3. Cabdiraxiim Maxamed Baaruud - dil toogasho ah

4. Cabdi Ismaaciil Maxamuud - dil toogasho ah

5. Axmed Sheekh Ibraahim Sheekh Cumar - dil toogasho ah

6. Maxamed Baashe Aw Cali - dil toogasho ah

7. Cabdi Dhamac Caabi - dil toogasho ah

Intii aanay magacyadaasi afka Geele ka soo wada bixin, ayaa waxay dadkii

maxkamadda ku jiray oo dumar u badnaa ay la oogsadeen hoogayoo ba’ayeey

iyo qaylo mar qudhaata buux dhaafisay qolkii maxkamadda tin ilaa cidhib.

Maxkamaddu siday idiin sharaftay ha loo sharfo ayuu laba ama saddex jeer

ku celiyay Maxamuud Geele Yuusuf una yidhi si adag oo dadka baqo gelisay,

wuxuuna raaciyey --- sagaal arday oo kale oo uu ku xukumay xabsi daa’in,

saddex arday oo kale oo uu ku xukumay min saddex sanno iyo Cali Xasan

Aadan (Banfas) oo uu ku xukumay shan iyo toban sanno oo xadhig adag ah.

Isla markiiba waxa maxkamaddii laga dareeriyey dadkii ehelka, qaraabada,

asxaabta iyo shicibka ahaa, annagana waxaa nalagula boobay katiinado. Wax

yar ka dib waxaa nalagu guray gaadhi madoobe dheere ah oo ay dhinacyada

ka saaran yihiin ciidamadii Siyaad Barre ee daraawiishtu, halka ay ciidamada

millatariga iyo tiknikadooduba ay xagga hore iyo xagga danbaba nooga daadihinayeen.

Waxaa nala soo mariyey wadada marta dhakhtarka Hargaysa dabadiisa

anagoo u haysanna in nala gaynaayo jeelka Hargaysa, waxaanu se

garannay in nalagu wado meel kale markii baabuurtii ilaalada ahayd iyo kii na

sidayba ay jeelka xawaare ba’an ku dhaafeen, cagtana saareen dhankaa iyo

wadada laamiga ah ee Berbera u baxda, iyadoo markaa maskaxdayada ay ku

soo dhacday in nala gaynaayo Madheera ama Labaatan Jirow oo aan sheeko

uun ku maqlay ahaydna halka ay ku xidhnaayeen kooxdii la odhan jiray UFO.

Xaaladdii aanu ku sugnayn maalmihii dagaalku qarxay ee Jeelkii Mandheera

”Waxay ahayd barqadii lixiyo labaatankii May (26-05-1988 ) oo ahayd maalin

khamiis ah, markii aanu maqallay siidhiga askarta jeelka oo makhsin walba

ka dhex qaylinaaya iyo waliba askarta oo maxaabiista ugu baaqaya in laysugu

yimaado bannaanka weyn ee jeelka dhexdiisa ah. Haddii mid guri ku jiray, mid

musqusha ku jiray iyo mid xamaamka maydhashada ku jirayba ay isugu yimaadeen

barxaddaa weyn askartuna ay aad u dhoobantahay, dhinacyada maxaabiista,

ayaa waxa ka soo galay albaabka u dhaxeeya qaybta maxaabiista iyo xafiisyada

askarta, sarkaal labisan dirayskiisii ciidannimo oo ay ku lamaantahay

darajadiisiina. 

   Muu ahayn nin aanu hore u aragnay, waxaase jirtay in maalintaa

laba, saddex casho ka hor uu geeriyooday taliyihii xabsiga dhexe ee Madheera

Daahir Jubonayn, oo xanuun kadis ahi ku soo booday, waxaana kollayba la sugayey

in taliye cusub loo soo magacaabi doono jeelka weyn ee Madheera. Waxa

uu noo sheegay inuu yahay taliyihii xabsiga dhexe ee Hargaysa (waa ninkii Xasan

Jilic) badalaye iyo geerida ku timid taliyihii xabsiga Madheera iyo waliba

in isaga lagu soo amray inuu sii tago Madheera inta cid loo soo magacaabayo.

Khudbad isugu jirta wax sheeg iyo amar farid kadib wuxuu noo sheegay ina155

anu hawlahayaga qabsanno. Haddii intaani dhacday, waxaa la baadi doonay

bal in la helo cid soo martay jeelka Hargaysa oo warbixin maxaabiista ka siisa

dabeecadda iyo dhaqanka ninkaasi leeyahay, durbadiibana waxaa la helay lana

sheegay inuu yahay in aan xilkas ahayn kuna soo meeraysta xataa raashinka iyo

lacagta yar ee dadka maxaabiista ah qaraabadoodu ay u keenaan, waxaana habeenkaa

la kala seexday iyadoo laga dharagsanyahay ninkaasi iyo dabcigiisa.

Subaxnimadii hore ee maalintaa ku xigtay oo ahayd maalin Jimce ah bisha

May-na ay ahayd toddoba iyo labaatan ( 27- 5- 1988 ) saacaduna ay ahayd

abbaaro toddobadii subaxnimo, ayaa waxaa jeelka soo galay koox saraakiil

milatariga ah oo uu horkacayey taliyihii dugsiga milatariga ee madheera Cabbaas

kuwaas oo fuulay qolka Rakaalka, inyar ka dibna waxaad arkaysay askartii

jeelka oo la soo wada baxay kuna gaadhan hubkoodii iyo qalabkoodii

dagaalka. 

   Maalinta Jimcuhu waxay ahayd maalinta dadka maxaabiista ah ay

soo booqdaan qaraabadoodu, waxaana salaadii horeba loo sii diyaargaroobay

soo dhaweyntii dadka, iyadoo maalintaasi tahay maalin ay maxaabiistu helaan

wararka todobaadkaa la soo dhaafay. Waxaa loo yeedhay maxaabiistii u horraysay

ee loo yimid (sida caadadu tahay maalintaa maxaabiista badankoodu

waxay tubnaan jireen albaabka maxaabiista looga yeedho iyo agagaarkiisa)

markii ay soo noqdeena waxaa la weydiiyey sidii caadadda ahayd cidda u timi

iyo war wixii ku soo kordhay. Waxay maxaabiistii sheegeen inaan habayaraatee

cidna la tusin ee lagu yidhi oo kali ah raashinkan ayaa laydiin keenee qaata.

Waa wixii lagu sheegayey iyo tolow ma wuxuu ina moodayaa ”Abu jeerin

” miyaanu ogayn in ragga meesha ku jiraa yihii xabsi daa’ in ayaa markiiba

laysla dhex qaaday, iyadoo aad arkaysay raggii siyaasadda u xidhnaa

oo afar - afar iyo saddex - saddex geedaha hoostooda isagu imanaya kuna

faqaya. 

Yaanu jirin nin qudha oo raashinka soo qaataa, haddaan layna tusayn

dadkeena ayuu ahaa waxa kali ah ee maxaabiistaa siyaasadda u xidhani

ay is faraysay, waxaana markiiba saraakiishii jeelka la gaaadhsiiyey

in uu jiro kacdoon ka dhan ah raashinka khalliga ah ee aanay cidina sidin

ee maxaabiista loogu yeedhayo. Waxaa noo yimid nin kabtan ah oo ah taliye

kuxigeen-kii jeel-ka annaga oo ah afar ilaa shan inta aan ka xasuusto

Cabdi Ismaaciil, Maxamed Baashe iyo Yuusuf Maxamed Ciise -maxaa dhacay

ee aad xam-xamta lahaysaan ? ayay ahayd wixii uu markii u horraysay-

ba na weydiiyey, waxaanan u sheegnay inaanay ahayn waxan ay la yi156

maadeen wax ka soconaya, annagoo waliba u raacinay inaanu raashinka

dawladda ku leenahay ee maalintaa aanu xaq u leenahay in dadkayaga nala

tuso. Waxba ma ogidin iyo wax maxaya ayaanu haddana is weydaarsannay.

Waar nimankii SNM ayaa saaka magaaladii Burco soo galay oo saraakiil

baddanna ku laayey badankeediina haysta ee ha is waalina iyo aniga

oo ugu jawaabay ” Bal waxaad noogu sheekaynayso eeg SNM tu

ma sidii likihii bay Burco saaka uun ka soo dhex baxday ) iyo waar raashinkiina

iska qaata oo uu sarkaalkii isagoo sii socda nagu soo tuuray.

Ka dib ayaa waxaa nagu soo xoomay maxaaabiis kale, inyar ka dibna

waxaa yeedhay siidhi ah ha la xeroodo iyo askartii oo maxaabiista

dhangad xagga danbe sidii adhiga kaga soo wadda.

 Waxaa ii yeedhay anigoo sii galaya makhsin aan ahayn kaan u hoyanayey oo aan is lahaa inta

labada xero u dhaxaysa waa sidii caadada noo ahaan jirtaye turub ku

soo ciyaar Xasan Cabdi oo ahaa askarigii maalintaa gaadhka haystay.

Xasan Cabdi wuxuu ahaa nin dhalin yaro ah waxaanu markii hore maalin

haysan jiray gaadhka qaybta dilka ee loo yaqaanno ( Qabta ) wakhtigaasi

oo aanu halkaa ku jirnay. Wuxuu ahaa nin aad u fur - furan maalintiisuna

waxay run ahaantii ahayd maalin noo tirsan, isagoo maalintiisa xerada

nooga soo qaadi jitay ciyaaraha dubnadda iyo turubka oon dadka dilka ah

loo ogolayn, waxaa kale oo uu noo samayn jiray in uu qolalka naga furo

marka aanu u baahano musqusha laba amma sadex jeer maalintii halka

maalinta kale mar qudhaata nalooga ogolyahay inaanu musqusha gallo,

ugu danbayntiina markii aanu u wareegnay jeelka weyn wuxuu ahaa ninkii

noo soo galiyey Radio aanu markaa haysanay oo jeelka mabnuuc ka ahaa.

Turub ayaan qolkan ku soo ciyaarayaa iyo Alphow qolkaagii gal in layska furiba

Allaa oge ayaanu aniga iyo Xasan Cabdi iswaydaarsannay. Maxaa dhacay

( Anigoo afka u soo dhuubaya ) iyo SNM tii ayaa Burco saaka soo gashay

oo qabsatay oo dagaal ilaa diyaarddo laysku adeegasaday ayaa ka socda

ayaanu haddana su’ aal iyo jawaab isugu celinay anigoo garan la’ in SNM

tu iyana diyaaraddo ku dagaalamayso iyo in kale, waxaanse xaqiiqsaday in

warka labada nin ee faqashta ahaa isku raaceeni uu yahay wax jira, taasi oo

ahayd waxaan hore looga baran askari ku yidhaa SNM baa meel soo gashay.

Maalintaasi waxay ahayd maalintii debed iyo albaab layska furo noogu

danbaysay, Xasan Cabdi oo mardanbe qolkii aan ku jiray iigu yimidna

waxuu ii sheegay in baskii raashinka noo siday la celiyey isagoon wax raashin

ah laga soo dajin, waxaanu ii raaciyey inaanu ku faro adaygno waxaanu

imika haysanno. Kow iyo soddonkii bisha waxaan furay warqad uu

buuri ku jiray oo uu yuusuf Max’d Ciise oo qol kale ku jiraa iigu soo dhiibay

askari, warqaddaasi buurigu ku jiro oo uu hoosteeda iigu soo qoray

inay BBC-du waraysatay Axmed Siilaanyo iyo in Hargaysaba la soo galay.

Siciid-Sara-kac oo ahaa askarta jeelka, oo u dhashay deegaanka Madheera,

ahaana nin iska da’ weyn oon dhibaato badnay ayaa soo hoos maray

daaqadda aan hoos jiifsado oon markaa taagnaa, iyadoo maalintaasi dagaal xumi

uu ka socday meel aan jeelka aad uga sii dheerayn, gariirka iyo xabaddubana ay

ahaayeen kuwo aad noogu soo dhaw. Siciid maxaad sheegtay iyo waa nabad ka

dib ayaan Siciid weydiiyey meesha gariirkaasi ka dhacayo, intii aanu ii sheeginna

wuxuu i weydiiyey bal inaan wax raashin ah haysanno iyo in kale. Wax yar

baanu haysanaa iyo kiiloo Bariis ah ayaan ku siin doonaa haddii aad ii sheegto

meesha dagaalkaasi ka dhacayo iyo waa Cadaadlay oo waliba ay nimankii qabsadeen

ayaanu subaxaana aniga iyo Siciid-Sara-kac isweydaarsannay anigoo

siiyay labadii kiiloo ee bariiska ahaa ee raashin noogu danbeeyey mid ka mid ah.

Waxay ahayd shantii iyo afar iyo toban daqiiqo markii xabaddu ay ka dul

qaraxday todoba boqol iyo konton maxbuus oo ku jiray jeelka Madheera.

Waxaanu isku qol ahayn nin la odhan jiray Max’d dhegaweyne oo ay Max’d-

Cali ( labadoodaba Alla ha u naxariistee ) ay saaxiib ahaayeen, ninkaasi oo

Max’d-Calina u wadi jiray gaadhi dhafoor-qiiqle ah markuu Max’d-Cali watay

jabhaddii afraad ee dagaalkii soomaali galbeed, waxaana Alla ha u naxariistee

Dhagaweyne iyo nin isna jeelka nagula jiray oo Hawiye ahaa lana

odhan jiray Xaashi la soo xidhay markuu Alla ha un naxariistee Max’d-Cali

goostay. Markii ay cabaar xabaddu dhacaysay ayaanu shantayadii nin ee

kale ee Isaaqa ahaa isugu nimid booskii Dhagaweyne, anagoo Max’d weydiinayna

bal inuu nooga warramo waxa uu u malaynaayo dagaalka dhacaya.

Alla ha u natariistee isagoo markaa gacanta ku hayey kitaab quraana oo uu

akhriyayey ayuu Max’d intuu dhoollo cadeeyey nagu yidhi: ”Waar illayn

qol baan idinkula jiraa waxba ma arkayee orodoo nin walawba booskaa158

gii ku noqo oo in Ilaahay nimankaa guusha siiyo qur’aanka akhrista.”

Nin baa laga hayaa ku kaadshaan nin u aqaanaaye, xaggee buu jiraa quraan

akhrisku rasaastaa intay hadh beeshay ayay maxaabiistii noqotay wax beerka

dhulka ku haya iyo wax shuban musqusha ugu jira mana jirin cid- cid la

hadlaysa iyo wax isweydiintoona. Sheekh Daa’uud oo ahaa nin da’diisu kontonka

kor u dhaaftay, ahaana nin gacan ku dhiigle ah kuna xukunnaa xabsi

daa’ in, ahaana sheekha jeelkaba tukiya oo aanu isku gogol xignay labadayada

madaxna soo kala horjeedaan ayaa kor ula soo toosay tusbax uu ku wardisanayey

isagoo markan faal ula kala baxay. Hadii uu riday kuna celiyey oo

uu yidhi markhaatigaa anna aan isleeyahay sheekh Daa’uud baa wax la tusayaa

ayaan ka soo hinqaday gogoshii aan dhabarka ugu jiifay waxaanan hadal

aan hoos u dhigayo ku idhi ” Sheekh Daa’uud bal bahalka iiga warran” .

Cabdow iska jiifso iyo anigoo isla markiiba dub ugu noqday jiifkaygii ayaa

is xigay, waxaanay xabaddu dushayada si aan kala go’ lahayn uga dhacaysay

ilaa kow iyo tobanadii. Wakhtigaasi ayaa waxaad arkaysay xabadda oo aad

moodo inay naga sii fogaanayso siina joogsanayso, anigoo dhagahaygana ay

ku soo dhacayeen dhawaqa siidhi aan is idhi malaha siidhigaasi waa jabhaddii

oo sii baxaysa, iyodoo markaa haddii la i saro aan bar dhiig ahi iga timaadeen

. Haddii ay xabaddii istaagtay ayaa mar labaad intayadii Isaaqa ahayn waxaanu

haddana isugu nimi gogoshii Alla ha u naxariistee Dhagaweyne kitaabka

ku akhrisanaayey, waxaanan ku idhi, “ Maxamedaw maxaad u malaynaysaa

siidhigaasi malaha kii dawladda maahee waa nimankii oo la jabiyay?”

Intuu haddana qoslay ayuu nagu yidhi, “Maxaa aniga i weydiinaysaan haddii

laynaga jabiyo meeshana waynu arki haddii kalena awalba weynu ku

jirnaye” waxaanu hore ka sii watay quraan akhriskiisii. Waxaan ku noqday

booskaygii, waxaa na iigu yimid Fircoon Jaamac oo aanu isku qol

ahayn horena aanu isku iskuul u ahayn, isagoo sita ”Arbaca-Turub” Waxaa

nagu soo biiray laba nin oo kale waxaanuna la kala baxnay arbaca turubkii.

Haddii ninkii u horreeyey degay ayaa waxa dib u bilaabmatay xabaddii waxaanad

arkaysay afartayadii nin oo nin waliba Yeeke---Yeeke, ku daray, nin

walibana intuu turubkii dhulka dhigay ayuu gogoshiisii dib ugu noqday anna

waxaan dib ugu jiifsaday gogoshaydii. Waxaa mar labaad faalkii la soo sare

fadhiistay Sheekh Daa’uud oo intuu dhigay haddana yidhi: “Markhaatigaa,”

Anna intaan markan hadal soo diyaarsaday ayaan markii uu dhameeyey

sheekhu faalkii aan ku idhi, “Sheekh dee bahalka nooga warran”? “Cabdow

nimanku waxaan dhib ahayn inoolamay iman oo waxba inaga jabin

maayaan” --- iyo ma dhibtan aynu ku jirno mid ka daranbaa inoo hadhay

oo aan Sheekha si cadho ku jirto uga hor geeyey! ayaa waxaan raaciyey istaag,

aan sare isu taagay anigoo daaqaddii aan hoos jiifay is kor taagay.

Waar Cabdirisaq iska warran iyo waa nabaddii, aanu is dhaafsanay Daahir

Max’d Jaamac oo guriga iga soo hor jeeda ku jira daaqaddana soo taagan, ayaa

waxaa dhexdayada soo maray nin ka mid ahaa askarta jeelka lana odhan jiray

Cabdillaahi Biric oo markaa wajigiisu aanu qurux badnayn. ----”Eeyaa Cabdillaahi

inyar oo bariisa ma ku siiyaa malaha ilaa saaka waxba maad cunine

iyo waar bariiskaabe dhacye daaqadaha ka fadhiista xabaddii xagaasay ka

soo dhacaysaa yaanay daaqadaha idinkaga dhicine, haddii Daahir iyo Cabdillaahi

is waydaarsadeen ayuu Cabdilllahi meel noo muuqata fadhiistay isagoo

qorigiisii intuu labada lugood dhexdiisa galiyey madaxana afkiisa hore saaray,

waxaanad jawigiisii hore iyo fadhigiisiiba ka arkaysay niyad jab weyn.

Markan waxaa lagu dagaalamayaa meel naga yar durugsan iyadoo mararka qaar

haddana xabdadu dushayada ka dhacayso, waxaanad moodaysay in dagaalku

laba aag ka kala socdo. Daahir Maxamed Jaamac oo aanu wali sheekaysanayno

aqalka uu ku jiraana iga soo horjeedo isagu arkayana waxa ka dhacaya banaanka

weyn ee jeelka iyo gidaarka danbe ee jeelka ayaa mar qudha kor ugu dhawaaqay

” Wallaahi waa kuwa gidaarkii danbe jabiyey ” isagoo inyar ka dibna ku xigsiiyey

waar waa kuwaa ciidankii Ayjeeshuna badhna meeshii dalooshay ka baxay

badhna Maadkay galeene meesha innaga jebiya ( maadku waa qayb jeelka ka

mid ah laakiin aan cidi galin oo ay ka dhisan yihiin guryo aad u gaboobay).

Haddii aqal walba aad ka maqlayasay garaaca albaabada laakiin aanu jirin aqal

kaliya oo albaabka iska jabiyey, albaabada jeelkuna ay ahaayeey kuwo xadiid

ah, ayaanu aniga iyo Daahir iskaga soo noqonay daaqaddii aaanu ka wada hadlaynay

iyo bal inuu Daahir gidaarkii la dumiyey dhaq-dhaqaaqiisa la socdo.

Intaa ka dib waxaad maqlaysay Baasuukayaal faro ku tiris ah oo xaggayaga

u soo dhacayey halka dagaalka qaybtiisii badnayd naga sii fogaanay-say.

Waxaa mar qudhaata nagu kulmay iyadoo markaa saacaddu ahayd labadii duhurnimo

oo gaw ah, raxan ka mid ah mujaahidiintii SNM oo jeelka ka soo galay

xaggii danbe ee ay jabiyeen iyo koox kale oo ka soo galay albaabka hore iyo

qaybta dilka oo uu Illaahay naxariistii janno isaga iyo intii dagaalkii xaqa ahaa

ku shahiidayba ha siiyee uu ka mid ahaa Maxamed-Cali oo ahaa sarkaalkii watay

hawl galkaa jabintii jeelka madheera. Waxaan ku soo baxay ninkii sarkaalka

ahaa ee Hargaysa nalooga soo badalay oo bahal Curri ah oo illaa maalintii Burco

la soo galay, anagana albaabada nalagu xidhay waayey hilibkii uu maxaabiista

la cuni jiray oo saruuradaysan oo margiga oo xabadi kaga dhacday ka hiigaaya.

Wuxuu ahaa dagaal aad u culus iyadoo ciidamada faqashta ee goobtaa jeelka

ka dagaalamay tiradooda lagu qiyaasay in ka badan sideed boqol oo

askari kana mid ahaayeey ciidamadii laga qabsaday Cadaadlay, kuwii xerada

Madheera iyo kuwii qaybta kaydka hubka ee Barta iyo waliba ciidamo

ka mid ah daraawiishta Hargaysa oo ahaa kuwii soo qaaday kontomeeye

odayaal ah oo laga soo xidhay magaalada Hargaysa. Waxaad arkaysay maydka askarta faqashta oo raxan-raxan madaxa iskula jira halka

jabkii firxadkoodu ay ka soo jeesteen dhankaa iyo dhinaca magaalada Berbera.

Xigasho: Buugga Milicsiga dagaalkii 1988kii

Waxa qoray oo diyaariyey: Abdirisaq Sh. Ibraahim Kooshin

Waxa uu muddo dheer ku xidhnaa jeelka Mandheera---marka uu qoraalkan qoray waxa uu deggenaa Carriga Ingiriiska. Markii dayuuraddii Soomaalida la afduubay waxa ka mid ahaa arrimaha ay afduubayaashu u doodeen kooxda ardayda ahayd ee ku xidhnayd Mandheera ee Cabdirasaaq ka midka ahaa 1984kii.